बसुन्धरा मार्गमा पक्की ढलान बाटोको उद्घाटन

आदर्श समाज सम्वाददाता
श्रावण १, २०७५

पोखरा, ३२ असार ।पोखरा महानगरपालिका-१५, स्यानीमजुवा टोलस्थित बसुन्धरामार्गको पक्की ढलान बाटो तथा पुल उद्घाटन गरिएको छ। स्यानीमजुवा टोलविकास संस्थाको आयोजनामा शनिबार एक कार्यक्रमबीच उक्त बाटो तथा पुलको उद्घाटन गरिएको हो।

बाटो तथा पुल उद्घाटन गर्दै कार्यक्रमका प्रमुख अतिथि पोखरा महानगरपालिका वडा १५ का अध्यक्ष प्रकाश पौडेलले धेरैभन्दा धेरै जनताको सहभागिता र सक्रियतामा उक्त बाटो निर्माण कार्य सम्पन्न भएकोमा खुशी व्यक्त गरे । पौडेलले वडा १५ का हरेक टोलमा विकास निर्माण कार्यमा सहकार्य गर्न आफू तयार रहेको बताए।

कार्यक्रममा वडा १५ का नेपाली कांग्रेसका सभापति टोपबहादुर थापामगर, महानगरपालिकाका सहायक इञ्जिनीयर अनिल आचार्य, समाजसेवी घनश्याम गौतम लगायतले मन्तव्य राखेका थिए।

सो मार्गको २ सय २५ मिटर पक्की ढलान गर्न र २० फिट लम्बाई र १० फिट चौर्डाई कर्ल्भर्ट -पुल) निर्माण गर्नको लागि जम्मा ४० लाख रुपैयाँ खर्च लागेको उपभोक्ता समितिका अध्यक्ष राजेश गौतमले जानकारी दिए। जसको लागि नगरपालिकाबाट रु. ९ लाख र जिविसबाट रु १० लाख निकासा गरिएको र अन्य रकम स्थानीयबासी र सहयोगी चन्दादाताहरुबाट सहयोग संकलन गरिएको गौतमले बताए।

स्यानीमजुवा टोलविकास संस्थामा ५३ घरधुरी आवद्ध रहेको र यस मार्गबाट आवतजावत गर्ने सयौं मानिसहरु लाभान्वित हुने स्यानीमजुवा टोलविकास संस्थाका अध्यक्ष इश्वर आलेमगरले बताए । आलेमगरले स्यानीमजुवा टोलबाट कोलपाटन वडा कार्यलयसम्म आवतजावत गर्न बाटो नभएको र यहाँका जनताले सास्ती झेल्नुपरेकोले उक्त बाटो तथा पुल निर्माण गर्नुपरेको बताए। उक्त बाटो वडा १४ काजीपोखरी थापामार्ग हुँदै वडा १५ कोलपाटन जोड्ने मार्ग हो। बाटो तथा पुल निर्माण भएपछि त्यहाँका स्थानीयमात्र नभई अन्य जनतालाई आवतजावत गर्न धैरै सहज भएको स्थानीयबासीको भनाई छ।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width