ए एण्ड बी अस्पतालको सेवा विस्तार

आदर्श समाज सम्वाददाता
असार ३१, २०७५

पोखरा, ३० असार। ए एण्ड बी अस्पताल, पोखराले आधुनिक तथा स्तरीय सेवा विस्तार गरेको जनाएको छ। पोखरा-२, विन्ध्यवासिनीस्थित अस्पतालमा आधुनिक प्रविधिको उपकरणसहित विशेषज्ञ सेवा विस्तार गरेको शनिबार आयोजित पत्रकार सम्मेलनमा जनाइयो।

दश वर्षअघि फिजियोथेरापी र अकुशनल थेरापी उपचार सेवाबाट शुरु साविकको एबी केयर एण्ड रिहाविलिटेसन हस्पिटल १ वर्षदेखि आधुनिक उपचार पद्दतिसँगै गुणस्तरीय सेवाको साथमा सञ्चालनमा आएको व्यवस्थापक ऋषि खतिवडाले जनाए।

खतिवडाका अनुसार अस्पतालमा सबै प्रकारका शल्यक्रिया सेवा प्रदान गर्ने उद्देश्यसहित अप्रेशन थियटर, आइसियु पोष्ट अप, २४ सै घण्टा इमरजेन्सी सेवा उपलब्ध छ। जनरल सर्जनहरुको समेत संलग्नता रहेको अस्पतालमा सबै प्रकारका अप्रेशन गरिने खतिवडाले जनाए।

‘अमेरिकन उपचार प्रणालीतर्फ अस्पताल उन्मुख छ,’ खतिवडाले भने, ‘अस्पतालमा अमेरिकन विशेषज्ञ चिकित्सकहरुको टिमद्वारा समयानुकूल उपचार र अप्रेशन गरिनेछ।’

फिजियोथेरापी र अकुपेशनल थेरापी सेवालाई थप बढि सशक्त बनाइएको खतिवडाले बताए। सर्जरी सेवा, हाडजोर्नी, नशा, पेट, छाती, मधुमेह, थाइराइड, प्रसूति तथा स्त्रीरोग, क्यान्सर, मृगौला तथा पिशाब आन्द्रा, कलेजो, नाक कान घाँटी, मानसिक रोग लगायत सेवा अस्पतालमा उपलब्ध रहेको खतिवडाले जानकारी दिए।

पछिल्लो समय मृगौला रोगको फिस्टुला अपरेशन, हाडजोर्नी प्रत्यारोपण र स्पाइनल सर्जरी लगायत जटिल किसिमका सर्जरीमा अस्पतालको विशेष उपलब्धि रहेको अस्पतालका हाडजोर्नी विशेषज्ञ डा. रविमोहन ढकालले जनाए।

डा. ढकालले जोर्नी प्रत्यारोपणका लागि अमेरिकाको न्युयोर्कस्थित हस्पिटल फर स्पेशल सर्जरीबाट यस्तो तालिम लिएका हुन्। घुँडा तथा हिप जोर्नी प्रत्यारोपणका लागि करिब ४ लाख जति खर्च लाग्ने डा. ढकालको भनाइ छ।

४४ सालदेखि घुँडाको समस्या भोगेकी शारदा हाल ७० वर्षकी छिन्। गत वर्ष हिंडडुल गर्न समेत नसक्ने भएपछि यहाँ घुँडाको प्रत्यारोपण गरिन् र हाल उनी खुशी छन्। अमेरिकामा महँगो उपचारमा खर्च गर्नुभन्दा पोखरामै सम्भव भएको शारदा सुनाउँछिन्।

पोखरा पस्र्याङका कृष्ण सुनार घर बनाउने ज्यामी मजदुर हुन्। पोखरामै घर बनाउने क्रममा उनी २ तलामाथिबाट खसे र उसको हिप जोर्नीका कारण हिंडडुल गर्न नसक्ने भए। सो अस्पतालमा कृष्णको हिप जोर्नी प्रत्यारोपण गरियो। उनी अहिले हिंडडुल र स्कुटर चलाउन सक्ने भएका छन्।

Related News

सम्बन्धित समाचार

  • कोला नाकासम्म कालोपत्रे बिस्तार माग, अर्थमन्त्रीसमक्ष चारबुँदे पत्र

    आदर्श समाज सम्वाददाता कार्तिक २६, २०८१
    पोखरा । राष्ट्रिय गौरवको बेनी—जोमसोम—कोरला सडक आयोजनाअन्तर्गत कागबेनी—कोरला नाकासम्म कालोपत्रे बिस्तारका लागि उपप्रधान तथा अर्थमन्त्री विष्णुप्रसाद पौडेलसमक्ष ध्यानाकर्षणपत्र बुझाइएको छ…
  • लेखनाथ हार्डवयरको साधारणसभा

    आदर्श समाज सम्वाददाता कार्तिक २६, २०८१
    लेखनाथ । लेखनाथ हार्डवयर एसोसिएसनको ११औं वार्षिक साधारण शनिबार सम्पन्न भएको छ । सभाको उद्घाटन गर्दै रुपा गाउँपालिका अध्यक्ष नवराज…
  • किसानलाई निःशुल्क आलुको बीउ

    आदर्श समाज सम्वाददाता कार्तिक १४, २०८१
    पोखरा । पोखरा–१८, सराङकोटस्थित महिला साना किसान कृषि सहकारी संस्था लि.ले उत्कृष्ट किसान छनोट गरी निःशुल्क आलुको बीउ उपलब्ध गराएको…
  • पोखरामा गोदाबरी पुष्प प्रदर्शनी तथा गण्डकी प्रादेशिक पुष्प मेला हुने

    आदर्श समाज सम्वाददाता कार्तिक १०, २०८१
    पोखरा । फ्लोरिकल्चर एशोसिएसन नेपाल (फान) जिल्ला समिति कास्कीले तिहार तथा छठ अवसरमा यसपालि पनि पुष्प मेला तयारी गरेको छ…
  • लगानीकर्ता शिक्षा तथा सचेतना

    आदर्श समाज सम्वाददाता कार्तिक १०, २०८१
    गैंडाकोट । विश्व लगानीकर्ता सप्ताह–२०२४ अवसरमा नेपाल धितोपत्र बोर्ड र जिल्ला उद्योग वाणिज्य संघ गैंडाकोटको आयोजनामा लगानीकर्ता शिक्षा तथा सचेतना…

hero news full width

trending post