श्रीपति कोइरालाको शालिक अनावरण

आदर्श समाज सम्वाददाता
असार २८, २०७५

पोखरा, २७ असार। श्रीपति कोइराला गुठीद्वारा विविध कार्यक्रम गरी श्रीपति कोइरालाको २११ औं जन्म जयन्ती मनाइएको छ।

पोखरा-९, साँघुमुखस्थित गुठी परिसरमा निर्मित श्रीपतिको शालिक बुधबार अनावरण गरियो। गण्डकी प्रदेश प्रमुख बाबुराम कुँवरले शालिक अनावरण गर्दै सन्ततिका लागि अग्रजले आफ्नो जीवनमा राम्रो कार्य गर्नुपर्ने बताए।

जीवनमा आमूल परिवर्तन ल्याउने मानिसमा अदृश्य शक्ति हुन्छ भन्दै नागरिकले आफ्नो कर्त्तब्यलाई मातृभूमिको सेवामा लगाउनुपर्ने औंल्याए।

कार्यक्रममा स्वास्थ्य क्षेत्रमा योगदान पुर्‍याएकोमा पश्चिमाञ्चल स्वास्थ्य विज्ञान प्रतिष्ठानका उपकुलपति डा बुद्धिबहादुर थापालाई गुठीले सम्मान गर्‍यो।

त्यसैगरी, सामाजिक तथा उद्योग क्षेत्रमा योगदान पुर्‍याएकोमा लक्ष्मी हाउस पोखराका गणेशबहादुर श्रेष्ठलाई गुठीले दोसल्ला ओढाएर प्रशंसापत्रद्वारा सम्मान गर्‍यो।

त्यस्तै, गुठीले पोखरास्थित विभिन्न क्याम्पसमा सवोर्त्कृष्ट अंक ल्याउने विद्यार्थीलाई श्रीपति विद्यापदकसहित नगद र प्रशंसापत्र प्रदान गरेको छ।

कार्यक्रममा गण्डकी प्रदेशसभाका सांसद प्रभा कोइराला, बिन्दुकुमार थापा र दीपक कोइरालाको उपस्थिति थियो। गुठीका पूर्व उपाध्यक्ष रामजीप्रसाद कोइरालाले श्रीपति कोइरालाको जीवनीमाथि प्रकाश पारेको कार्यक्रममा सहसचिव नवराज कोइरालाले सम्मानित व्यक्ति डा थापा र औद्योगिक घराना श्रेष्ठको जीवनीमाथि प्रकाश पारेका थिए।

गुठीका अध्यक्ष मोहननाथ कोइरालाको अध्यक्षतामा सम्पन्न कार्यक्रममा उपाध्यक्ष रमा कोइरालाले स्वागत र सचिव फणिन्द्रराज कोइरालाले संचालन गरेका थिए।

Related News

सम्बन्धित समाचार

  • इपिएसबारे सचेतनामूलक कार्यक्रम

    आदर्श समाज सम्वाददाता वैशाख १, २०८१
    पोखरा । वैदेशिक रोजगार विभाग (इपिएस) कोरिया शाखा आयोजनामा पोखरामा जनप्रतिनिधि, कर्मचारी, स्वास्थ्य स्वयंसेविका र कोरियामा रहेका ब्यक्तिका परिवारसँग अन्तक्र्रिया…
  • किशोरीका लागि सीपमूलक शिक्षा

    आदर्श समाज सम्वाददाता वैशाख १, २०८१
    पोखरा । पोखरा २९ भण्डारढिकमा रहेको दीपशिखा सामुदायिक पुस्तकालय तथा दीपशिखा बहुउद्देश्यीय सामुदायिक सिकाइ केन्द्रको आयोजनामा किशोरीहरूका लागि २ दिने…
  • आनन्द ज्योति माविमा शुभकामना आदानप्रदान

    आदर्श समाज सम्वाददाता वैशाख १, २०८१
    पोखरा । भूपू विद्यार्थी मञ्च, आनन्द ज्योति मावि पोखरा ३१ ले नयाँ वर्षको अवसरमा शुभकामना आदानप्रदान कार्यक्रम गरेको छ ।…
  • आलु महोत्सवमा विज्ञ–कृषक अन्तक्र्रिया

    आदर्श समाज सम्वाददाता चैत्र ३०, २०८०
    पोखरा । माटो स्वास्थ्य राखे त्यसबाट बढी उत्पादन लिन सकिने चर्चा गरिएको छ । १२ औं राष्ट्रिय हेमजा आलु महोत्सव…
  • गण्डकी बोर्डिङ व्यवस्थापनमा ३ मनोनीत

    आदर्श समाज सम्वाददाता चैत्र ३०, २०८०
    पोखरा । गण्डकी बोर्डिङस्कुल व्यवस्थापन समितिमा ३ सदस्य मनोनीत भएका छन् । सोमबारको बैठकले जग्गादाता मदनबहादुर केसी, एग्बोसाका निवर्तमान अध्यक्ष…

hero news full width

trending post

ट्रेन्डिङ्ग