माछापुच्छ्रे ९ को सार्वजनिक सुनुवाइ

आदर्श समाज सम्वाददाता
असार २८, २०७५
hemja photo (3)

हेमजा, २७ असार। माछापुच्छ्रे गाउँपालिका वडा ९ ले आर्थिक वर्ष २०७४/०७५ को सार्वजनिक सुनुवाइ गरेको छ।

कार्यक्रममा वडाका विभिन्न उपभोक्ता समिति अध्यक्षले आ-आफ्नो योजनाको आयव्यव सार्वजनिक गरेका थिए।चालु आर्थिक वर्षमा कुल २४ योजनामा १ करोड १० लाख खर्च भएको वडाध्यक्ष तथा माछापुच्छ्रे गाउँपालिकाका सामाजिक विकास समिति संयोजक दुर्गाबहादुर क्षेत्रीले जानकारी दिए।

यस आर्थिक वर्षमा वडाले ‘एक घर, एक धारा’ कार्यक्रम, जलवायु परिर्वतनले कृषि क्षेत्रमा पारेको प्रभावबारे अनुसन्धान, पर्यटन पदमार्ग प्रवर्द्धन एवम् व्यवस्थापन र अनुसन्धान कार्यक्रम, अल्लो प्रशोधन, कृषितर्फ परम्परागत बीउबालीको सूची तयार गरी बाली प्रजनन् र बाली संरक्षणसम्बन्धी विस्तृत अध्ययन गरी आधुनिक कृषि प्रणालीतर्फ धान, मकै, कोदोको बीउ वितरण गरी परीक्षण गरिएको क्षत्रीले बताए।

त्यसका साथै यस वर्ष वडामा रहेका झोलुङगे पुलमा भएका काठ हटाइ फलाम बिच्छ्याइएको उनले जानकारी दिए। आगामी आर्थिक वर्षका लागि तारेवराह मन्दिर, घलेल कालिमाटी नागी भीमजु· पर्यटकीय पदमार्ग स्तरोन्नति, पर्यटन कृषि क्षेत्रलाई जोड दिँदै अल्लो उत्पादन र प्रशोधनलाई प्रभावकारी बनाउँदै २५ जनालाई रोजगारी दिने, उद्यम विकास र कृषि सामग्री संकलन केन्द्र स्थापना गरिने, माटोको उत्पादन क्षमता परीक्षण गरी डिजिटल प्रोफाइल तयार गर्ने जसका लागि गाउँपालिकाबाट ७० लाख र प्रदेश सरकारबाट ४१ लाख रुपैयाँ विनियोजन गरिएको क्षेत्रीको भनाइ छ।आफ्नो वडा गाउँपालिकाकै विकट रहेको भए पनि प्रचूर सम्भावना रहेको क्षेत्रीले सुनाए। क्षेत्रीले त्यहाँका पर्यटकीय सम्पदा सदुपयोग गरेर विकास गर्न सवै क्षेत्रबाट सहयोगको अपेक्षा गरेको पनि बताए।

उक्त वडामा मर्दी हिमाल पदमार्ग, विभिन्न हाइड्रोपावर, माछापुच्छ्रे नमूना पैदल मार्ग, होमस्टे लगायत क्षेत्र आकर्षणको रुपमा रहेका छन्।

कुइवा·को होमस्टे संचालनका लागि डिपिआर तयार गरी कार्य अगाडि बढाइएको वडाध्यक्ष क्षेत्रीले जानकारी दिए।

Related News

सम्बन्धित समाचार

  • युनाइटेड क्लबका परिकल्पनाकार सम्मानित

    आदर्श समाज सम्वाददाता वैशाख ९, २०८१
    पोखरा । युनाइटेड क्लबले क्लबका परिकल्पनाकारलाई सम्मान गरेको छ । २०६७ वैशाख ७ मा स्थापना भएको क्लबले १४ औं वार्षिकोत्सव…
  • लोकदोहोरी रेस्टुरेन्ट व्यवसायी संघको कार्यालय उद्घाटन

    आदर्श समाज सम्वाददाता वैशाख ९, २०८१
    पोखरा । पोखरा लोकदोहोरी रेस्टुरेन्ट व्यवसायी संघले नयाँ वर्ष अवसरमा शुभकामना आदानप्रदानसँगै संघको कार्यालय उद्घाटन गरेको छ । लोकदोहोरी रेष्टुरेण्ट…
  • साभ नेपालको अभिभावक शिक्षा कार्यक्रम

    आदर्श समाज सम्वाददाता वैशाख ९, २०८१
    पोखरा । चितवनको खैरहनी नगरपालिका वडा नं ८ को आयोजना तथा साभ नेपालको सहजीकरणमा वैशाख ७ र ८ गते अभिभावक…
  • सामुदायिक बगरमा डिएसपीको स्वागत

    आदर्श समाज सम्वाददाता वैशाख ९, २०८१
    पोखरा । सामुदायिक सेवा केन्द्र एवं सामुदायिक प्रहरी सेवा बगरले जिल्ला प्रहरी कार्यालय कास्कीका प्रहरी नायव उपरीक्षक वसन्तराज शर्मालाई स्वागत…
  • ‘जेष्ठ नागरिक जिउँदा भगवान्’

    आदर्श समाज सम्वाददाता वैशाख ९, २०८१
    पोखरा । रामबजार ज्येष्ठ नागरिक मिलन केन्द्रले शनिबार आयोजना गरेको शुभकामना आदानप्रदान तथा सम्मान कार्यक्रमका वक्ताले जेष्ठ नागरिक जिउँदा भगवान्…

hero news full width