बन्दले जनजीवन प्रभावित

आदर्श समाज सम्वाददाता
असार २६, २०७५

पोखरा, २५ असार । तमुवान-मगराँत संघर्ष समिति र नेपाल आदिवासी जनजाति महासंघले सोमबार आहृवान गरेको गण्डकी प्रदेश बन्दका कारण विभिन्न जिल्लाको जनजीवन प्रभावित बन्यो ।

प्रदेश बैठकले गण्डकी प्रदेश नामकरण गरेको विरोध गर्दै उनीहरुले तमुवान मगराँत राख्नुपर्ने माग सहित बन्द आहृवान गरेका हुन् ।

बन्द कारण पोखराको जनजीवन प्रभावित बन्यो । बन्दसँगै बिहानैदेखि अविरल वर्षाका कारण पनि यस क्षेत्रमा दिनभर यातायातका साधन चलेनन् । पसल, कलकारखाना, उद्योग, व्यवसाय, कलेज, स्कुल लगायत बन्द भए ।

पर्यटक बोक्ने गाडी, दूध तथा खानेपानी बोक्ने गाडी, एम्बुलेन्स, पत्रकार, मानवअधिकारवादीको सवारी फाट्टफुट्ट चले पनि अन्य सार्वजनकि यातायात न्यून चल्दा सर्वसाधारणले दुःख-कष्ट बेहोर्र्नुपर्‍यो । निर्धारित ठाउँमा उनीहरु पैदल नै हिडेको देखिन्थ्यो ।

यता, नेपाल आदिवासी जनजाति संघका प्रदेश संयोजक जितबहादुर गुरुङले बन्द सफल भएको दावी गरे । उनले यसपछि समीक्षा बैठक बस्ने र आफ्नो माग पूरा नभएसम्म आन्दोलन निरन्तर हुने बताए ।

तमुवान-मगराँत संघर्ष समितिको आन्दोलनलाई नयाँ शक्ति, संघीय समाजवादी फोरम, तमु हृवीला जनजाति राष्ट्रिय परिषद्, देशभक्त जनतान्त्रिक मोर्चा, भुजेल संघ, मगर संघ, तीनगाउँले मार्फाली संघ लगायतले पनि साथ दिएको उनले जानकारी दिए ।

गत असार २२ मा गण्डकी प्रदेश नामकरण गरिएपछि तमुवान मगराँतको ऐतिहासिक सभ्यता र पहिचान मेटाउन खोजेको उनीहरुको आरोप छ ।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width