खत्रीठाँटीमा कृषि तथा पशु हाट बजार

आदर्श समाज सम्वाददाता
असार २६, २०७५

लमजुङ, २४ असार । लमजुङको एक नगरपालिकाले आफ्नै पहलमा कृषि तथा पशु हाटबजार सुरु गरेको छ । सुन्दरबजार नगरपालिकाको पहलमा सोही नगरपालिका-६ स्थित खत्रीठाँटीमा एक टहरोसमेत निर्माण गरी साप्ताहिक कृषि तथा पशु हाटबजार सुरु गरेको हो ।

पाउँदी सेरोफेरो कृषि सहकारी संस्था लि.को अगुवाईमा उक्त हाटबजारको संचालन गरिएको हो । कृषि तथा पशु हाटबजार सञ्चालनका टहरो निर्माण गर्न लागि सुन्दरबजार नगरपालिकाले २ लाख ८० हजार लगानी गरेको सो नगरपालिकाका प्रमुख प्रशासकीय अधिकृत प्रेम गिरीले बताए ।

उनका अनुसार तत्काल ७ वटा स्टल राख्न सक्ने गरी टहरो निर्माण गरिएको छ । साताको एक दिन लाग्ने उक्त हाटमा नगरपालिका क्षेत्रभित्रका सबै किसानले आफूले उत्पादन गरेको कृषि तथा पशुजन्य सामग्री विक्रीका लागि ल्याउन सक्ने छन् । यस कार्यले व्यावसायिक कृषि र पशुपालनमा विशेष प्रोत्साहन हुने विश्वास गरिएको पाउँदी सेरोफेरो कृषि सहकारी संस्था लि.का अध्यक्ष मानसिंह गुरुङले बताए ।

उनका अनुसार सो टहरो निर्माण गर्दा ३ लाख १६ हजार खर्च भएको छ । नपुग रकम सुन्दरबजार नगरपालिकासँग माग गर्ने बजार व्यवस्थापन समितिले निर्ण्र्ाा गरेको समेत मानसिंह गुरुङले जानकारी दिए ।

उक्त हाटबजारको जिल्ला समन्वय समितिका प्रमुख लोकराज पाण्डेले एक समारोहका विच उदघाटन गरे । उनले भने, ‘ढिलै भएपनि राम्रो काम भएको छ, यसलाई निरन्तरता दिन आवश्यक छ, यो किसानको सम्पत्ती हो ।’

उक्त समारोहमा सुआहारा लमजुङको बजार व्यवस्थापनका लागि आवश्यक ढक तराजु, क्रेटसहितका ५० हजार रुपैयाँ बराबरका सामग्री बजार व्यवस्थापन समितिलाई हस्तान्तरण गरिएको थियो ।

उक्त हाटमा किसानले उब्जाउ गरेका अण्डादेखि खसी बोका, भैँसी, गोरु तथा कृषि र तरकारीका सामग्री विक्रीका लागि किसानले ल्याउने प्रवन्ध गरिएको सुन्दरबजार नगरपालिका-६ का वडाध्यक्ष रघु मिश्रले बताए ।

उक्त उदघाटन कार्यक्रमका लागि पाउँदी सेरोफेरो कृषि सहकारी संस्था लि. र अन्नपूर्ण सहकारीले ५/५ हजार रुपैयाँ सहयोग गरेको कार्यक्रमको सभापतिसमेत रहेका पाउँदी सेरोफेरो कृषि सहकारी संस्था लि.का अध्यक्ष मानसिंह गुरुङले जानकारी दिए ।

उनका अनुसार उक्त हाटबजारलाई व्यवस्थित गर्न कार्यालय र स्टोरका लागि भवन निर्माणका लागि आउँदो आवका लागि ५ लाख रुपैयाँ योजना स्वीकृत गरेको छ । सो कार्यका लागि नगरपालिकाको कृषि र पशु शाखाले आउँदो आवमा ५०/५० हजार रुपैयाको बजेट विनियोजन गरिसकेको गुरुङको भनाई छ ।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width