पूर्व मेयर गुरुङको स्मृति

आदर्श समाज सम्वाददाता
असार १९, २०७५

पोखरा, १८ असार। तत्कालीन पोखरा उपमहानगरपालिकाका नगर प्रमुख हर्कबहादुर गुरुङको १४ औं स्मृति दिवसमा सोमवार पोखरामा सामुहिक दीप प्रज्ज्वलन गरिएको छ। पोखरा एयरपोर्ट हर्कचोकमा रहेको गुरुङको शालिकमा पुष्पमाला अर्पण गर्दै विभिन्न महानुभावले उनको स्मरण गरे।

स्व. गुरुङकी धर्मपत्नी रत्ना गुरुङले दीप प्रज्ज्वलन गरेर उक्त कार्यक्रमको शुभारम्भ गरेकी थिइन्। स्व. गुरुङको योगदान बारे प्रकाश पार्दै बाह्रबिसें पैंगीलामा परिवारका प्रमुख सल्लाहकार क्या. लालकाजी गुरुङले स्व. गुरुङले पर्वतको जिल्ला पञ्चायत सदस्य, बाह्रबिसे पैंगीलामा परिवार पोखराको संस्थापक, राप्रपा कास्कीको कोषाध्यक्ष र पोखरा उपमहानगरपालिकाको प्रमुख भई जनताको सेवा गरेको बताए।

साथै उनले नेपाल सरकारले गत वर्ष स्व. गुरुङलाई शहीद घोषणा गरेको उल्लेख गर्दै परिवारलाई भने अहिलेसम्म पनि जानकारी पत्र नआएको गुनासो व्यक्त गरेका थिए।

परिवारका अध्यक्ष गोपालबहादुर गुरुङको अध्यक्षतामा भएको उक्त कार्यक्रमको सञ्चालन सचिव सव इन्स्पेक्टर कमल गुरुङले गरेका थिए।

स्मरण रहोस् २०६१ असार १८ गते बिहान ११ बजे नगरपालिका कार्यालय जान लागेका नगर प्रमुख गुरुङलाई पोखरा-७ एयरपोर्टस्थित उनकै घर अगाडि माओवादी कार्यकर्ताले गोली प्रहार गरी हत्या गरेका थिए।

सम्बन्धित समाचार

पर्वतीय संग्रहालयमा फोटो प्रदर्शन

आदर्श समाज सम्वाददाता असाेज ११, २०८०

पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
सरकारको आलोचनामात्र गर्नु गलत : मन्त्री सिंखडा

आदर्श समाज सम्वाददाता असाेज ११, २०८०

पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
अनुगमनमा ३ पसललाई कारबाही

आदर्श समाज सम्वाददाता असाेज ११, २०८०

लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
भूपू सैनिक सहकारीको सभा

आदर्श समाज सम्वाददाता असाेज ११, २०८०

हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
लेखनाथ कुटानी पिसानी व्यवसायी समितिमा विष्णु

आदर्श समाज सम्वाददाता असाेज ११, २०८०

लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…