पोखरा, ९ असार ।  पोखराको मदरल्याण्ड मावि र फिस्टेल एकेडेमीका गरी ६ जना परीक्षार्थीले ४.० जिपिए प्राप्त गरेका छन् । हालसम्म प्राप्त जानकारी अनुसार मासबारस्थित मदरल्याण्ड माविबाट ५ जना विद्यार्थीले ४.० जिपिए प्राप्त गरेका हुन् । जसमा पोखरा-१७ की वर्षा बराल, पोखरा-५ की झरना पौडेल, पोखरा-७ की कृति बराल, पोखरा-५ का प्रयास पौडेल र सर्लाही जिल्लाका रञ्जनकुमार यादवले ४.० जिपिए प्राप्त गरेको विद्यालयका संस्थापक एवं प्लस टु इञ्चार्ज नारायणप्रसाद आचार्यले जानकारी दिए । उनका अनुसार परीक्षामा १ सय ५० जना विद्यार्थी सम्मिलित थिए । साथै १० जनाले ३.९५ जिपिए सहित १०७ जनाले ए प्लस, ३५ जनाले ए र ८ जनाले बी प्लस जिपिए प्राप्त गरेका छन् ।

त्यस्तै, ड्यामसाइडस्थित फिस्टेल एकेडेमीबाट एसर्इइ दिएका सुशान्त रानाभाटले ४.० जिपिए प्राप्त गरेका हुन् । सिम्बोल नम्बर ०४१४३६३ ‘ए’ का रानाभाट पोखरा-१३, काहुँखोलाका हुन्।  कक्षा नर्सरीदेखि नै फिस्टेलमा अध्ययन गरेका सुशान्त कक्षामै पनि उत्कृष्ट हुँदैआएको विद्यालयका संस्थापक प्रिन्सिपल चिनु रानाभाटले जनाए । उनले सो नतिजाले विद्यालय परिवार नै हषिर्त भएको बताए । फिस्टेलबाट यस वर्षको एसर्इइमा ७३ जना विद्यार्थी सम्मिलित थिए । तीमध्ये ४२ जना ए प्लस, ३१ जनाले ए ग्रेड प्राप्त गरेका छन् ।