ललितकुमार हेलकुमारी बाटाजु संगीत पुरस्कार गायक बानियाँलाई

आदर्श समाज सम्वाददाता
असार १०, २०७५
binod baniya

पोखरा, ९ असार। ललितकुमार हेलकुमारी बाटाजु स्मृति संगीत पुरस्कार पोखराका युवा गायक विनोद बानियाँलाई प्रदान गरिएको छ।

बाटाजु परिवारले स्थापना गरी संगीत प्रशिक्षण केन्द्र पोखराले सञ्चालन गर्दै आएको सो पुरस्कारको राशि नगद ३० हजार सहित सम्मानपत्र र दोसल्ला छ।

पोखरामा शनिवार आयोजित कार्यक्रमबीच प्रदेश ४ का आर्थिक मामिला तथा योजना मन्त्री किरण गुरुङले गायक बानियाँलाई पुरस्कृत गरे। बाटाजु परिवारले स्थापना गरेको ३ लाखको अक्षयकोषबाट प्राप्त ब्याजबाट प्रत्येक २ वर्षमा संगीत क्षेत्रमा योगदान पुर्‍याउन स्रष्टा तथा संस्थालाई पुरस्कृत गर्ने गरिएको छ।

यसअघि सो पुरस्कार तबलावादक चन्द्रबहादुर बाटाजु, मृदङ्गावादक कृष्णबहादुर वैद्य, संगीतकार कृष्णबहादुर श्रेष्ठ र भैरव सांस्कृतिक संरक्षण समितिलाई पुरस्कृत गरिएको थियो।

सोही अवसरमा संगीत प्रशिक्षण केन्द्रको विशेष सम्मानबाट शास्त्रीय गायिका डा मितु पाललाई सम्मान गरिएको थियो।

नेपाल संगीतको श्रीवृद्विमा योगदान पुर्‍याएकोमा बानियाँलाई पुरस्कृत तथा शास्त्रीय संगीतको क्षेत्रमा योगदान पुर्‍याएकोमा डा पाललाई सम्मान गरिएको हो।

आर्थिक मामिला तथा योजना मन्त्री किरण गुरुङले प्रदेश ४ साहित्य क्षेत्रमा धनी रहेको उल्लेख गरे। उनले गीत/संगीत मानवीय जीवनको अभिन्न अंगजस्तै बनिरहेको बताए।

पुरस्कृत बिनोद बानियाँ र सम्मानित डा मितु पालले पुरस्कार र सम्मानले प्रेरित गरेको भन्दै गीत/संगीतको यात्रा जारी रहने उल्लेख गरे।

प्रतिभा छनोट समिति संयोजक साहित्यकार तीथ श्रेष्ठले सरकारले आर्थिक अभावका कारण गायन क्षेत्रबाट पलायन हुने अवस्था रोक्नुपर्नेमा जोड दिए। कार्यक्रममा कवि सरस्वती प्रतीक्षा, गायक कर्णदास, र्‍याण्डम रिड सोसाइटीका पूर्व अध्यक्ष उपेन्द्र पौडेलले बोलेका थिए।

संगीत प्रशिक्षण केन्द्र पोखराका अध्यक्ष गौतम बिजुक्छेको अध्यक्षतामा भएको कार्यक्रम सचिव कृष्ण बाटाजुले सञ्चालन गरेका थिए।

Related News

सम्बन्धित समाचार

  • बेनी–जोमसोम सडक अवरुद्ध

    आदर्श समाज सम्वाददाता श्रावण ११, २०८१
    म्याग्दी । रघुगङ्गा गाउँपालिका–२ सिरुबारीमा खसेको पहिरोले बेनी–जोमसोम सडक अवरुद्ध भएको छ । आज बिहान ठूलो ढुङ्गासहित खसेको पहिरोका कारण…
  • निशुल्क कपाल काट्ने तालिम

    आदर्श समाज सम्वाददाता श्रावण ९, २०८१
    चितवन । भरतपुर–१० सिजी ल्याण्डमार्कमा रहेको पपुलर युनिसेक्स सैलुनले ११ औं वार्षिकोत्सव अवसर पारि निःशुल्क कपाल काट्ने तालिम प्रदान गर्ने…
  • कंक्रिट संरचनाले घट्दैछ धानखेत

    धनबहादुर गुरुङ श्रावण ९, २०८१
    पोखरा । घरघडेरी जोहो गर्ने ध्याउन्नमा पछिल्लो समय धान लगाउने क्षेत्र घट्दै गएको पोखरा–२५ का किसान चित्रनाथ सापकोटा बताउँछन् ।…
  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…

hero news full width