पोखरा, ६ असार । प्रुडेन्सियल इन्स्योरेन्स कम्पनी लिमिटेडको १६ औं वाषिर्कोत्सव अवसरमा शाखा कार्यालय, पोखराले गरिब तथा विपन्न वर्गका परिवारलाई लत्ता कपडा र खाद्यान्न वितरण गरेको छ।

कास्कीको लेखनाथस्थित पैतेडाँडाका गरिब तथा विपन्न वर्गका ५० घरधुरीलाई कम्पनीका पोखरास्थित क्षेत्रीय प्रबन्धक राजेश श्रेष्ठ र पैतेडाँडा टोल विकास समिति अध्यक्ष लक्ष्मी परियारले बुधबार झुल सहित खाद्यान्न वितरण गरेका हुन्।

अधिकांश दलित वस्ती रहेको सो गाउँका बासिन्दाहरुले गाउँमै आएर गरेको सो सहयोगप्रति टोल किवास समिति अध्यक्ष परियारले आभार प्रकट गरिन्।

वितरण समारोहमा इन्स्योरेन्स कम्पनीका प्रवीण गिरी, बाबुराम अधिकारी, पत्रकार ऋषिराम दाहाल, विजय नेपाल, अमृत सुवेदी, कृष्ण रानाभाट लगायत उपस्थित थिए।

काठमाडौंमा प्रधान कार्यालय रहेको सो कम्पनीले देशभर ४१ शाखा छन्।

कार्यक्रममा कम्पनीका क्षेत्रीय प्रबन्धक राजेश श्रेष्ठले कम्पनी र बिमाबारे जानकारी गराएका थिए।

वीरगञ्जमा रजिष्र्टड सो कम्पनी निर्जीवन बिमा कम्पनी हो।