पार्टीएकीकरणसँगै गुट उपगुट अन्त्य : अधिकारी

आदर्श समाज सम्वाददाता
असार ३, २०७५
adhikari

लेखनाथ, २ असार। नेपाल कम्युनिष्ट पाटी (ने क पा) केन्द्रिय सदस्य खगराज अधिकारीले पार्टीएकीकरणसँगै अब पार्टीका गुट-उपगुटको अन्त्य हुने बताएका छन्।

एकीकरण भएपछि बनेको नेपाल कम्युनिष्ट पार्टी-ने क पा), पोखरा लेखनाथ महानगरपालिका वडा ३० ले शनिवार राखेको शुभकामना आदानप्रदान कार्यक्रममा बोल्दै प्रदेश ४  सहसंयोजक समेत रहेका अधिकारीले चुनावका समयमा जे बोलियो त्यही अनुसार जनताको चाहना र राष्ट्रिय आवश्यकता अनुसार एकीकरण भएको र अब गुटउपगुट समेत अन्त्य हुने ठोकुवा गरेका हुन्।

समृद्ध नेपाल सुखी नेपाली बनाउने अभियानका साथ अगाडि बढेको अभियानलाई सफल पार्न कुनै पनि शक्तिले रोक्न नसक्नेमा जोड दिँदै उनले अबको अभियान विकासका लागि भएकाले नेपाललाई कसरी विकास गर्न सकिन्छ भन्नेबारेमा सबैको साथ र सहयोग चाहिने धारणा राखेका थिए। सांसद दीपक कोइरालाले समयको माग र जनताको चाहना अनुरुप भएको पार्टीएकीकरण नै विकासको एउटा आधार भएको धारणा राख्दै देशको आर्थिक तथा सामाजिक विकासका लागि पार्टीत स्वार्थभन्दा पनि राष्ट्रहितका सवालमा काम गरेर देखाउनु पर्ने समय भएको बताए। नेपाल कम्युनिष्ट पाटी (ने क पा) वडा ३० का संयोजक विश्वप्रकाश अधिकारीको अध्यक्षतामा भएको सो कार्यक्रममा उमा परियार र वडाध्यक्ष श्रीराम पोख्रलले पार्टीएकीकरणलाई आमनेपालीले खुशी र सुखद पक्षको रुपमा लिनुपर्ने बताए।

पार्टीसचिव कृष्ण अधिकारीले सञ्चालन गरेको सो कार्यक्रममा स्वागत मन्तव्य सहसंयोजक दयाराम तिवारीले गरेका थिए।

Related News

सम्बन्धित समाचार

  • गण्डकी बोर्डिङका शिक्षकलाई तालिम

    आदर्श समाज सम्वाददाता वैशाख १२, २०८१
    पोखरा । खुसी हुनु मानिसको मूल स्वभाव हो । तर अचेल व्यस्त दैनिकीका कारण मानिस आफ्नो खुसी हुने स्वभाव बिर्सिएर…
  • प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन

    आदर्श समाज सम्वाददाता वैशाख १२, २०८१
    पोखरा । पोखरा । प्रधानाध्यापक संघ नेपाल (प्रिन्सिपल एसोसियन नेपाल–पान) को पोखरामा सम्पन्न पहिलो भेलाले वामदेव पौड्यालको अध्यक्षतामा गण्डकी प्रदेशस्तरको…
  • एनटिभिएको शुभकामना आदानप्रदान

    आदर्श समाज सम्वाददाता वैशाख १२, २०८१
    पोखरा । नेपाल पर्यटक यातायात व्यवसायी संघ (एनटिभिए) गण्डकीले नयाँ वर्ष अवसरमा शुभकामना आदानप्रदान एवं टेबुल क्यालेन्डर लोकार्पण गरेको छ…
  • पोखरा १३ मा निशुल्क तालिम

    आदर्श समाज सम्वाददाता वैशाख १२, २०८१
    पोखरा । पोखरा १३ ले निशुल्क सिपमूलक तालिम उपलब्ध गराएको छ । एड्भान्स कटाइसिलाइ, डिप्लोमा ब्युटी पार्लर, लोकसेवा अनलाइन कक्षा…
  • जलारी समुदायबारे वृत्तचित्र

    आदर्श समाज सम्वाददाता वैशाख १२, २०८१
    पोखरा । जलारी समुदायबारे निर्माण भएको वृत्तचित्र सार्वजनिक गरिएको छ । गण्डकी प्रज्ञा प्रतिष्ठानले निर्माण गरेको वृत्तचित्र मंगलबार सार्वजनिक गरेको…

hero news full width