लायन्सको अवार्ड वितरण

आदर्श समाज सम्वाददाता
जेठ २९, २०७५
lions

पोखरा, २८ जेठ । लायन्स क्लब इन्टरनेशनल डिष्ट्रिक्ट ३२५ बि १ नेपालअन्तर्गत क्लस्टर १ को अवार्ड वितरण समारोह सम्पन्न भएको छ। क्लस्टर १ मा ३७ वटा क्लब आवद्ध छन्।

क्लब अध्यक्ष, जोन चियरपर्सन तथा रिजन चियरपर्सन सहित एकवर्षे कार्यकाल सफल बनाउन सहयोग गर्नेलाई वर्षभरि गरेका कार्यको उच्च सम्मान स्वरुप अवार्ड प्रदान गरिएको क्लस्टर प्रमुख दुर्गाप्रसाद हुमागाईंले जानकारी दिए।

डिष्ट्रिक्ट गभर्नर धनराज आचार्यले दिएका सबै जिम्मेवारीलाई कुशलतापूर्वक सम्पन्न गर्दै सबैको सहयोग बाट समूहगत रुपमा सामाजिक सेवाका कार्य गरि जिम्मेवारी पूरा गरेको क्लस्टर प्रमुख तथा डिष्ट्रिक्ट ३२५ बि १ नेपालका सिनियर एम्बेसडर अफ गभर्नर दुर्गाप्रसाद हुमागाईंले बताए।

समारोह अवसरमा पोखरा लेखनाथ महानगरपालिका राजाको चौतारा निवासी दुवै मृगौला फेल भएका पुष्प तिमिल्सिनालाई मृगौला प्रत्यारोपण र उपचारार्थ नगद सहयोग प्रदान गरिएको थियो।

रिजन चियरपर्सन लायन बिना गुरुङको पहलमा ४ लाखभन्दा बढी र क्लस्टर १ बाट  गरी ४ लाख ५० हजार बराबरको नगद रकम सहयोग गरिएको हो।

प्रमुख अतिथि लायन्स मल्टिपल ३२५ नेपालका मल्टिपल काउन्सिल चियरपर्सन बालकृष्ण बुलाकोटीले लायन्समा लागेर समाज सेवा गर्नेलाई सधैँ प्रोत्साहन गर्नुपर्ने बताए ।

डिष्ट्रिक्ट गभर्नर धनराज आचार्यले डिष्ट्रिक्टलाई सफल बनाउन क्लस्टर १ को योगदान महत्वपूर्ण रहेको बताए।

क्लस्टर प्रमुख दुर्गाप्रसाद हुमागाईंको अध्यक्षतामा आयोजित कार्यक्रममा इलेक्ट डिष्ट्रिक्ट गभर्नर अशोककुमार श्रेष्ठ, इलेक्ट फस्ट भाइस गभर्नर इन्दु लम्साल, पूर्व मल्टिपल काउन्सिल चियरपर्सन दीपक श्रेष्ठ, प्रेमबहादुर श्रेष्ठ, पूर्व डिष्ट्रिक्ट गभर्नर योगेन्द्र प्रधान, कोचिफ एडभाइजर विशेश्वर आचार्य, क्लस्टर उपप्रमुख पदमबन्दु पोखरेल, रिजन चियरपर्सन विनोद ढुंगाना, बिना गुरुङ, जोन चियरपर्सन कृष्णप्रसाद श्रेष्ठ, शारदा शर्मा, लायन्स क्लब अफ पोखरा लेकसिटिका अध्यक्ष मिनराज काफ्ले लगायत बोलेका थिए।

Related News

सम्बन्धित समाचार

  • पोखरा वडा ७ मा पदस्थापना

    आदर्श समाज सम्वाददाता जेठ १५, २०७९
    पोखरा । पोखरा वडा ७ का नवनिर्वाचित जनप्रतिनिधिको स्वागत तथा पदस्थापना कार्यक्रम भएको छ । निवर्तमान वडाध्यक्ष रामचन्द्र बराल, कर्मचारी…
  • दर्शन लामाले बाँडे पोशाक

    आदर्श समाज सम्वाददाता जेठ १५, २०७९
    पोखरा । पोखरा वडा १३ का निवर्तमान वडाध्यक्ष दर्शन लामाले ५५ जना विद्यार्थीलाई स्कुल पोशाक वितरण गरेका छन् । पोखरा…
  • अपांगता भएका र गरिब विद्यार्थीलाई प्रोत्साहन भत्ता

    आदर्श समाज सम्वाददाता जेठ १५, २०७९
    पोखरा । पोखरा वडा १ का नवनिर्वाचित वडाध्यक्ष शाहारा प्रधानले अपांगता भएका व्यक्ति, गरिब तथा विपन्न विद्यार्थीलाई प्रोत्साहन भत्ता दिने…
  • सुत्केरीलाई पोषण भत्ता दिइने

    आदर्श समाज सम्वाददाता जेठ १५, २०७९
    पोखरा । पोखरा वडा २६ का नवनिर्वाचित वडाध्यक्ष नरेन्द्र थापाले सुत्केरी पोषण भत्ता र दिवा सेवा केन्द्रमा खाजाको व्यवस्था गर्ने…
  • आकस्मिक रक्तदानमा ५३ युनिट रगत

    आदर्श समाज सम्वाददाता जेठ १४, २०७९
    पोखरा । पोखरा जेसिजले गरेको आकस्मिक रक्तदानमा ५३ युनिट रगत संकलन भएको छ । पोखरा जेसिजका अध्यक्ष मीनराज खड्काले मादी…

hero news full width