उत्पादनमूलक क्षेत्रमा लगानीमा जोड

आदर्श समाज सम्वाददाता
जेठ २९, २०७५
sahakari

पोखरा, २८ जेठ। नेपाल बचत तथा ऋण केन्द्रीय सहकारी संघ लि (नेफ्स्कुन) र कास्की बचत तथा ऋण सहकारी संघ लिमिटेडको आयोजनामा बचत तथा ऋण सहकारीको कास्की जिल्लास्तरीय प्रथम महिला गोष्ठी सम्पन्न भएको छ। प्रमुख अतिथि मुख्यमन्त्री पृथ्वीसुव्वा गुरुङले सहकारीले उत्पादनमुखी क्षेत्रमा लगानी गर्नुपर्ने बताए। आर्थिक समृद्धिमा सहकारीको भूमिका महत्वपूर्ण रहेको उनले बताए।

नेफ्स्कुनका केन्द्रीय अध्यक्ष डीबी बस्नेतले सहकारी क्षेत्रमा महिलाको सहभागिता उत्साहजनक रहेको र नेतृत्व तहमा पनि महिला आउनुपर्ने बताए। यस्ता कार्यक्रमले महिलाको चौतर्फी विकासमा सहयोग गर्ने र समय समयमा यस्ता कार्यक्रम आवश्यक रहेकोमा जोड दिए।

गोष्ठीमा सहकारीसम्बन्धी विभिन्न विषयमा कार्यपत्र प्रस्तुत तथा सहजीकरण गरी छलफल तथा टिप्पणी गरिएको थियो।

नेफ्स्कुनका सञ्चालक तथा प्रदेश ४ संयोजक भीम गुरुङ, प्रदेशसभा सचिवालयका शाखा अधिकृत इश्वरी ढकाल र नेफ्स्कुनका सञ्चालक शान्ति अधिकारीले कार्यक्रममा सहजीकरण गरेका थिए। पोखरा लेखनाथ महानगरपालिकाका शाखा अधिकृत दुर्गा न्यौपाने, अधिवक्ता मीना रानाभाट, सञ्चारकर्मी सुष्मा पौडेलले टिप्पणी गरेका थिए।

कार्यक्रममा नेफ्स्कुनका केन्द्रीय सञ्चालक चण्डीप्रसाद शर्मा, बचत संघका उपाध्यक्ष भेषराज बराल, अन्नपूर्ण गाउँपालिकाका उपप्रमुख सगुन गुरुङ, जिल्ला सहकारी संघ कास्कीका अध्यक्ष रविरमण तिवारी, नेफ्स्कुन फिल्ड कार्यालय पोखराका सञ्चालक तथा कास्की बचत संघका कोषध्यक्ष नारायणप्रसाद आचार्य, कास्की बचत संघका सचिव दीपक प्रकाश आचार्य, राष्ट्रिय सहकारी बैंकका केदारनाथ उप्रेती लगायतले बोलेका थिए। नेफस्कुन फिल्ड इञ्चार्ज जगन्नाथ लामिछानेले कार्यक्रममा कास्कीका विभिन्न बचत तथा ऋण सहकारीबाट करिब २ सय महिला सहभागी भएको जानकारी दिए। सो कार्यक्रमको सञ्चालन कार्यक्रम संयोजक कमलादेवी गिरीले गरेकी थिइन्।

Related News

सम्बन्धित समाचार

  • नेफ्स्कुन स्थापना दिवसमा अन्तक्रिया

    आदर्श समाज सम्वाददाता भाद्र १, २०७९
    साउन । नेपाल बचत तथा ऋण केन्द्रीय सहकारी संघ लि. (नेफ्स्कुन) को ३१ औं स्थापना दिवसको सन्दर्भमा पोखरा क्षेत्रका सहकारी…
  • लेखनाथमा सेयरसम्बन्धी तालिम

    आदर्श समाज सम्वाददाता श्रावण ३०, २०७९
    लेखनाथ । लेखनाथ जेसीजले युवालक्षित गरी सेयरसम्बन्धी तालिम प्रदान गरेको छ । तालिममा सेयरसम्बन्धी ख्यातिप्राप्त सुवासचन्द्र भट्टराईले प्रशिक्षण दिएका थिए…
  • अग्नि ग्रुपको टु एस सर्भिस सेन्टर

    आदर्श समाज सम्वाददाता श्रावण २५, २०७९
    पोखरा । नेपालका लागि महिन्द्रा फोरव्हीलरको एकमात्र आधिकारिक बिक्रेता अग्नि ग्रुपले सेवाग्राहीको सुविधाका निम्ति नयाँ टु एस सर्भिस सेन्टर पोखरा…
  • सहकारी बैंकको वार्षिक समीक्षा

    आदर्श समाज सम्वाददाता श्रावण २४, २०७९
    पोखरा । राष्ट्रिय सहकारी बैंक लिमिटेडको पोखरामा आयोजित ३ दिने वार्षिक समीक्षा गोष्ठी सोमबार सकिएको छ । आर्थिक वर्ष २०७८÷०७९…
  • पोउवा संघको अध्यक्षमा पोखरेलको घोषणा

    आदर्श समाज सम्वाददाता श्रावण २३, २०७९
    पोखरा । पोखरा उद्योग वाणिज्य संघका वर्तमान उपाध्यक्ष अर्जुन पोखरेलले आगामी महाधिवेशनमा संघको अध्यक्षमा उम्मेदवारी दिने घोषणा गरेका छन् ।…

hero news full width