‘कास्कीलाई लागु औषधमुक्त बनाउँछु’

आदर्श समाज सम्वाददाता
जेठ २७, २०७५
shaba kandra

लेखनाथ, २६ जेठ। कास्की प्रहरी उपरीक्षक ओमबहादुर रानाले कास्कीलाई लागु औषध र अपराधमुक्त क्षेत्र घोषणा गर्ने विषयलाई पुनः दोहोर्‍याएका छन् ।

लेखनाथ सामुदायिक सेवा केन्द्र एवं समुदायिक प्रहरी सेवा तथा पोखरा लेखनाथ महानगरपालिका वडा २९ को आयोजनामा भएको लागु औषध नियन्त्रण महाअभियानअन्तर्गत बृहत सचेतनामूलक र्‍यालीलाई सम्बोधन गर्दै एसपी रानाले सो कुरामा जोड दिएका हुन् ।

उनले कास्कीलाई  अपराधमुक्त क्षेत्र बनाउने अभियानमा कुनै पनि कसर बाँकी नराखी लागु औषध उत्पादनकर्ता, बिक्रेता तथ प्रयोगकर्तालाई ठाउँको ठाउँ कारबाही गरेर देखाउने प्रतिबद्धता जनाए।

कास्कीको शान्तिसुरक्षामा कुनै कमी आउन नदिन र समाजमा शान्तिसुव्यवस्था स्थापित गराउँदै जाने उनले बताए ।

राजनीति आधारमा व्यवसायीलाई ठग्ने, धम्क्याउने र प्रलोभनमा पार्ने जस्ता अमानवीय कार्य गर्ने तस्करलाई  जनताकै सहयोगमा नियन्त्रणमा लिएर कारबाही गरेरै छाड्ने एसपी रानाको भनाइ थियो।

लागुऔषध महाअभियान पोखरा लेखनाथ २९ का संयोजक जीजनदेव पौडेलको अध्यक्षतामा भएको सो कार्यक्रममा वडा २९ का वडाध्यक्ष चेतबहादुर गुरुङ, वडा ३० का वडाध्यक्ष श्रीराम पोखरेल, सामुदायिक सेवा केन्द्र जिल्ला समन्वय समिति उपाध्यक्ष सोमनाथ बास्तोला, संयुक्त गोर्खा भूपू सैनिक क्लबका अध्यक्ष मेजर रामप्रसाद गुरुङले लागु औषध नियन्त्रणका सवालमा स्वयमं अभिभाक सचेत हुनुपर्ने सुझाव राखेका थिए।

लेखनाथ सामुदायिक सेवा केन्द्र एवं सामुदायिक प्रहरी सेवाका अध्यक्ष ज्ञानेन्द्र बजगाईले स्वागत मन्तव्य राखेको उक्त कार्यक्रमको सञ्चालन सचिव त्रिलोचन लामिछानेले गरेका थिए ।

कार्यक्रममा लोकदोहोरी गायक शिवहरि ढुंगानाले जनचेतनामूलक गीत गाएका थिए।

Related News

सम्बन्धित समाचार

  • पृथ्वीराजमार्गको विकल्प त्रिशूली करिडोर

    आदर्श समाज सम्वाददाता श्रावण २२, २०७९
    कुरिनटार । साँघुरो सडक, गाडीको अत्यधिक चाप अनि बर्खाको बेला पहिरोले पु¥याउने क्षति । मुलुकभरका धेरैजसो सडकको यही दुर्दशाले दिनहुँ…
  • प्रधानसम्पादक बास्तोला सम्मानित

    आदर्श समाज सम्वाददाता श्रावण २२, २०७९
    पोखरा । आदर्श समाज राष्ट्रिय दैनिकका प्रधानसम्पादक कृष्णप्रसाद बास्तोला राष्ट्रिय नागरिक पत्रकारिता सम्मान–२०७९ द्वारा सम्मानित भएका छन् । काठमाडौंमा शनिबार…
  • बगनासकालीको वार्षिक समीक्षा

    आदर्श समाज सम्वाददाता श्रावण १९, २०७९
    पाल्पा । बगनासकाली गाउँपालिकाको वार्षिक प्रगति समीक्षा कार्यक्रम भएको छ । गाउँपालिकाको नियमित वार्षिक कार्यसूचीअनुसार गाउँसभा सदस्य, कर्मचारी, सञ्चारकर्मीको सहभागितामा…
  • करेन्ट लागेर ससुरा–बुहारीसहित ३ जनाको मृत्यु

    रासस श्रावण १९, २०७९
    राजविराज । सप्तरीमा बुधबार करेन्ट लागेर ससुरा–बुहारीसहित तीन जनाको मृत्यु भएको छ । कञ्चनरुप नगरपालिकामा गए राति करेन्ट लागेर दुई…
  • चुनाव मिति आज तोकिने

    आदर्श समाज सम्वाददाता श्रावण १९, २०७९
    पोखरा । प्रदेश तथा प्रतिनिधिसभाको चुनावको मिति कहिले तोकिएला भन्ने चासो बिहीबारदेखि मेटिने भएको छ । बिहीबार बस्ने मन्त्रिपरिषद् बैठकले…

hero news full width