मिस सी क्वीन सुप्रिमा

आदर्श समाज सम्वाददाता
जेठ २७, २०७५
IMG_7987

पोखरा, २६ जेठ । सुप्रिमा तुलाधरले मिस सि क्वीन-४ को ताज पहिरेकी छन् ।

द लुक्स फेसन होम्स्ले एसर्इइ परीक्षा दिएर बसेका किशोरीको प्रतिभा प्रष्फुटन गर्ने उद्देश्यले शनिबार आयोजना गरेको सो इभेन्टमा पोखरा तेर्सापट्टीकीले तुलाधरले मिस फोटोजेनिकको सवटाइटल सहित सो ताज पहिरेकी हुन् । शुरुवातदेखि नै दर्शकको निकै हुटिङ पाएकी उनीले पोखराको सेन्ट मेरिजबाट एसर्इइ दिएकी हुन् ।

प्रतियोगितामा फस्ट रनरअप प्रगति बोर्डिङबाट परीक्षा दिएकी लामाचौरकी एलिना श्रेष्ठ र लिटिल स्टेपबाट परीक्षा दिएकी दीया गुरुङ सेकेण्ड रनरअप घोषित भइन् । एलिनालाई हेल्दी हेयर र दीयालाई पर्सनालिटी उपाधि पनि दिइयो ।

११ जना प्रतिष्पर्धीमध्ये भ्यूवर च्वाइससहित वेष्ट डिस्सीप्लिनको उपाधि प्रियंका कार्कीले चुमिन् । यस्तै, सोनी पौडेल मिस पञ्चुअल, रोजिना केसी मिस ट्यालेन्ट, नीभिना तामाङ मिस चार्मिङ, पूजा बास्तोला सी फेसबुक, समीक्षा पौडेल र्फममेन्स र अनिशा श्रेष्ठ वेष्ट फ्याण्ड्ली भए ।

उनीहरुलाई प्रमुख अतिथि न्यू ग्लालेक्सी स्कुलका प्राचार्य डा रामजी शर्मा, संस्थाका प्रबन्ध निर्देशक रवीन्द्र बज्राचार्य, मिस सी क्वीन-३ खुशी खाँण, मिस सी क्वीन-२ मोनिका गुरुङ, मिस सी क्वीन-२ की भ्यूवर च्याइस नीशा गुरुङ, पत्रकार विजय नेपाल लगायतले ताज लगाउनुका साथै पुरस्कार प्रदान गरे ।

निर्णायकमा नायक अमर सुवेदी, सैनिक आवासीय स्कुलका अंग्रेजी विभागका इञ्चार्ज लोकनाथ पौडेल, मन्टेसरी एशोसिएसन अध्यक्ष अरुना शेरचन र ग्यालेक्सी स्कसहायक प्राचार्य राजेश भण्डारी थिए । प्रतिष्पर्धीलाई विभिन्न राउण्डमा उतारिएकोमा अन्तिम ५ जनालाई नायक अमर सुवेदीले ‘फरक क्षमता भएका महिलालाई समाजको मूलधारमा ल्याई सशक्तिकरणका लागि के गर्नुपर्छ’ भन्ने प्रश्न सोधेका थिए । आकर्ष गाउनमा स्टेज उतारिएका उनीहरुले लिखित जवाफ दिएका हुन् । रोजिना केसी र निभिना तामाङ अन्तिम ५ भित्रै समेटिए ।

उपाधि विजेताले न्यू ग्यालेक्सीमा कक्षा ११ र १२ मा पूर्ण छात्रवृत्ति तथा फस्ट र सेकेण्ड रनरअपले ७५ प्रतिशत छात्रवृत्तिमा अध्ययनको मौका पाएका छन् । यस्तै बाँकी प्रतिष्पर्धीलाई २५ प्रतिशत छात्रवृत्ति दिइने प्राचार्य डा. रामजी शर्माले घोषणा गरे । उनले अरुसँग भन्दा पनि आफैसँग प्रतिष्पर्धा गरेमा सफलता अवश्य मिल्ने बताए ।

कार्यक्रममा सुप्रिया गुरुङ, भूमेश्वरी पुन, नीशा गुरुङले नृत्य प्रस्तुत गरे भने सहभागी प्रतिष्पर्धीहरु आमासहित क्याटवाकमा देखिँदा कार्यक्रम रोमाञ्चक बनेेको थियो । प्रतिष्पर्धीले सामूहिक नृत्यसमेत देखाएका थिए । विजेताले विभिन्न गिफ्ट हृयाम्परसमेत पाए भने सहयोगीलाई मायाको चिनो दिइयो ।

द लुक्स फेसन होम्स्का प्रबन्ध निर्देशक रवीन्द्र बज्राचार्यको अध्यक्षतामा भएको कार्यक्रमको सञ्चालन ज्ञानुबाबा बोर्डिङका सहायक प्रिन्सिपल बाबुराम सुवेदीले गरेका थिए । रानीपौवास्थित रञ्जित इभेन्ट म्यानेज्मेन्ट सेन्टरमा भएको प्रतियोगिताको कोरियाग्राफी सुरक्षा गुरुङले गरेकी हुन् । त्यसअघि प्रतियोगीलाई विभिन्न खालका तालिममा सहभागी गर्राई शनिबार ग्राण्ड फिनालेमा उतारिएको हो ।

Related News

सम्बन्धित समाचार

  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…
  • पोखरा वडा १२ मा हस्तकला तालिम सुरु

    आदर्श समाज सम्वाददाता फागुन १५, २०८०
    पोखरा । पोखरा महानगरपालिका वडा नं. १२ को आयोजना तथा विधाता हस्तकला तथा प्राविधिक तालिम केन्द्रको सहकार्यमा महिलाहरूका लागि एक…
  • पोखराको भवन मापदण्ड : ५ तलामाथिका घरमा लिफ्ट अनिवार्य

    आदर्श समाज सम्वाददाता फागुन १५, २०८०
    पोखरा । पोखरा महानगरपालिकाले नयाँ मापदण्ड सार्वजनिक गरेको छ । २०३१ को भौतिक विकास योजना, २०५५ सालको एकीकृत कार्यमूलक योजना,…

hero news full width