महेन्द्रपुलदेखि सिर्द्धार्थचोकसम्म सफाइ

आदर्श समाज सम्वाददाता
जेठ २७, २०७५
cleaning

पोखरा, २६ जेठ । पोखरामा जारी बहृत सफाइ अभियान शनिबार महेन्द्रपुलदेखि चिप्लेढुंगाहुँदै सिर्द्धार्थचोकमा पुगेर सम्पन्न भएको छ ।

‘हप्तामा एक घण्टा : राष्ट्रका लागि स्वयंसेवा’ भन्ने नाराका साथ १०६ हप्ताको सो अभियानमा झण्डै ५ टन फोहरमैला संकलन भएको महेन्द्रपुल महिला जागरण समूह अध्यक्ष उर्मिला कायस्थले बताइन् ।

कार्यक्रममा कास्की प्रहरी प्रमुख ओमबहादुर रानालाई अभियानका तर्फाट वडा ९ अध्यक्ष रामराज लामिछाने र अभियन्ता अञ्जु क्षेत्रीले स्वागत गरे ।

यसैबीच, अभियान संयोजक रामबहादुर पौडेलले वडा ४, ८ र ९ का वडाध्यक्षहरु क्रमशः शंकर बास्तोला, रुद्रनाथ बराल र रामराज लामिछानेलाई पोखराको मुख्य व्यापारिक केन्द्र महेन्द्रपुल, चिप्लेढुंगा र सिर्द्धार्थचोकको फोहेरमैला व्यवस्थापन एवं सरसफाइलाई उच्च प्राथमिकतामा राख्नेछु । महेन्द्रपुलदेखि वीपीचोकसम्म असरल्ल रुपमा थुपारिँदैआएको दुर्गन्धित फोहरमैला बिसर्जन गर्ने शैलीलाई हप्ताभित्र देखिने गरी सुधार गर्नेछु । यस क्षेत्रमा सडक व्यापार निरुत्साहित गर्नेछु तथा सडकपेटीमा जीवनयापान गर्ने असहाय वर्गको उचित व्यवस्थापनका लागि पहल गर्नेछुु भन्ने व्यहोराको प्रतिबद्धतापत्रमा हस्ताक्षर गराएका थिए ।

यसअघि उपस्थितलाई वडा ४ अध्यक्ष शंकर बास्तोलाले सरसफाइ र राष्ट्रिय भावनाको शपथ गराएका थिए ।

यसपटकको अभियानमा नेपाल प्रहरी, सशस्त्र प्रहरी बल मुक्तिनाथ विकास बैंक, ओम डेभलपमेन्ट बैंक, एनआईसी एशिया बैंक, अभियान महिला समूह, माछापुच्छे्र महिला क्लब, ड्यामसाइड टोल विकास संस्था, खहरे आमा समूह, मितेरी नारी समूह, महेन्द्रपुल महिला जागरण समूह, शान्तिनगर दिदीबहिनी समूह, सिर्द्धार्थ क्लब, योग समूह, सामाजिक अभियन्तालगायत जनप्रतिनिधि एवं स्थानीय संघसंस्थाको ऐक्यबद्धता रहेको वडासचिव लोकदर्शन कोइरालाले जानकारी दिए ।

कार्यक्रममा वडा ८ का वडाध्यक्ष रुद्रनाथ बरालले धन्यवाद ज्ञापन गरेका थिए । १०७ हप्ताको अभियान रानीपौवाचोकदेखि हस्पिटल चोकसम्म हुनेछ ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width