बाटो उद्घाटन

आदर्श समाज सम्वाददाता
जेठ २७, २०७५

पोखरा, २६ जेठ । पोखरा लेखनाथ महानगरपालिका वडा ११, भानुमार्ग टोल विकास संस्था -क) ले निर्माण गरेको पिच बाटो उद्घाटन गरिएको छ ।

वडाध्यक्ष मोहनप्रसाद बास्तोलाले शनिबार उद्घाटन गर्दै बाटो निर्माणसँगै त्यसको संरक्षण गर्नु पनि टोलको दायित्व रहेको बताए ।

आदिकवि भानुभक्तको शालिकदेखि पूर्वहुँदै भास्कर स्कूलसम्म करिब ५ सय ६० मिटर लम्बाइको बाटो वडा कार्यालयको सहयोग र उपभोक्ताबाट करिब २७ लाख रुपैयाँ बजेटमा निर्माण सम्पन्न भएको हो ।

टोल विकास संस्था अध्यक्ष राजेन्द्रबहादुर भट्टर्राईको अध्यक्षतामा भएको कार्यक्रममा वडासदस्य जंगबहादुर हमाल ठकुरी, पूर्व वडाध्यक्ष निर्मलप्रसाद कर्माचार्य, भानुभक्त -क) आमा समूह अध्यक्ष मिठु गुरुङ लगायतले शुभकामना मन्तव्य व्यक्त गरेका थिए ।

कार्यक्रममा कोषाध्यक्ष नरकाजी गुरुङले आर्थिक प्रतिवेदन पेस गरेका थिए ।

कार्यक्रममा उपभोक्ता समिति सचिव दामोदर आचार्यले स्वागत र सचिव सूर्यमोहन ढकाले कार्यक्रम सञ्चालन गरेका थिए ।

सम्बन्धित समाचार

सरस्वतीमा दन्त शिविर

आदर्श समाज सम्वाददाता असाेज ४, २०८०

पोखरा । नेलम्बो नेपालले पोखरा–१२, ढिकालेथरस्थित सरस्वती आधारभूत विद्यालयमा निशुल्क दन्त शिविर गरेको छ । शिविरमा शिक्षक, विद्यार्थी गरी २…
जीविका सहकारीको सभा

आदर्श समाज सम्वाददाता असाेज ४, २०८०

पोखरा । पोखरा ३ नदीपुरस्थित जीविका बचत तथा ऋण सहकारीको १२ औं वार्षिक साधारण सभा भएको छ । जिल्ला सहकारी…
गैराथर सिल्पा सडकको उद्घाटन

आदर्श समाज सम्वाददाता असाेज ४, २०८०

पोखरा । पोखरा २८ का वडाध्यक्ष श्रीकृष्ण लामिछानेले जनताले प्रत्यक्ष अनुभूत हुनेखालको विकास निर्माणको काम गर्न चाहेको बताएका छन् ।…
केआइइसी वुनलाई फुटबल उपाधि

आदर्श समाज सम्वाददाता असाेज ४, २०८०

पोखरा । ढिकुरपोखरीमा भएको आमन्त्रित नकआउट फुटबल प्रतियोगिताको उपाधि केआइइसी वुन एफसीले चुमेको छ । बुधबार फाइनलमा हेमजा युनाइटेडलाई ट्राइब्रेकरमा…
भारतको चेन्नइमा तीज

आदर्श समाज सम्वाददाता असाेज ४, २०८०

पोखरा । प्रवासी नेपाली संघ भारत तमिलनाडु पाण्डीचेरि संयुक्त राज्य समितिअन्तर्गत प्रगतिशील महिला समितिले तीज अवसरमा चेन्नईका प्रवासी नेपाली महिलाबीच…