वडा ८ मा बालमैत्री अभिमुखीकरण

आदर्श समाज सम्वाददाता
जेठ २७, २०७५
PKR-8 Bal Manch

पोखरा, २६ जेठ। पोखरा लेखनाथ महानगरपालिका वडा-८ को बाल मञ्चले शनिबार ‘बालमैत्री स्थानीय शासन एवं नेतृत्वसीप’ विषयक अभिमुखीकरण तालिम गरेको छ।

वडालाई बालमैत्री वडा निर्माण गर्ने उद्देश्यले तालिमको आयोजना गरिएको मञ्चकी अध्यक्ष सोनिका बरालले जनाइन्।  उनले वडा ८ भित्र रहेको बालबालिकाहरुलाई लक्षित गरी तालिमको आयोजना गरेको बताइन्।

बालअधिकारकर्मी कुञ्जनी प्यासी परियारले ‘बालमैत्री स्थानीय शासन’ र पत्रकार सुष्मा पौडेलले ‘बाल नेतृत्वसीप’ विषयमा सहजीकरण गरेका थिए। तालिममा करिव ४४ जना बालबालिकाको सहभागिता थियो।

प्रमुख अतिथि वडाध्यक्ष रुद्रनाथ बरालले तालिमको उद्घाटन गर्दै महानगरको वडालाई बालमैत्री वडा बनाउने उद्घोष गरे। वडालाई बालमैत्री बनाउन स्थानीय जनप्रतिनिधि सचेत रहने प्रतिबद्धता जनाए।

बरालले आगामी दिनमा वडाभित्र बालमैत्री शासन अवलम्बन गरिने उल्लेख गरे। वडाको प्रत्येक घरको अभिभावक तथा विद्यालयको शिक्षकले बालमैत्री व्यवहार अपनाउनुपर्नेमा जोड दिए।

नागरिक समाज पोखराका संयोजक विष्णुहरि अधिकारीले बालबालिकालाई स्थानीय लगायत प्रदेश र संघीय सरकारले प्राथमिकतामा राख्नुपर्ने बताए। बालबालिकाको सवाङ्गीण विकासका लागि बालमैत्री शासन अपनाउनुपर्ने उनको जोड थियो।

तालिम संयोजक आरोग्यमोहन काफ्लेले बाल मञ्चले इमान्दारिता, पारदर्शीता, जवाफदेहीता र समावेशीतालाई मूलमन्त्र मानेको बताए। उनले वडाले बालबालिकासम्बन्धी अनुमोदन गरेको योजनालाई बाल मञ्चले कार्यान्वयन गर्ने प्रतिबद्धतासमेत जनाए।

बाल मञ्चकी अध्यक्ष सोनिका बरालको अध्यक्षतामा भएको कार्यक्रममा तालिम संयोजक आरोग्यमोहन काफ्ले स्वागत तथा सचिव सार्थक घिमिरेले सञ्चालन गरेका थिए।

Related News

सम्बन्धित समाचार

  • युनाइटेड क्लबका परिकल्पनाकार सम्मानित

    आदर्श समाज सम्वाददाता वैशाख ९, २०८१
    पोखरा । युनाइटेड क्लबले क्लबका परिकल्पनाकारलाई सम्मान गरेको छ । २०६७ वैशाख ७ मा स्थापना भएको क्लबले १४ औं वार्षिकोत्सव…
  • लोकदोहोरी रेस्टुरेन्ट व्यवसायी संघको कार्यालय उद्घाटन

    आदर्श समाज सम्वाददाता वैशाख ९, २०८१
    पोखरा । पोखरा लोकदोहोरी रेस्टुरेन्ट व्यवसायी संघले नयाँ वर्ष अवसरमा शुभकामना आदानप्रदानसँगै संघको कार्यालय उद्घाटन गरेको छ । लोकदोहोरी रेष्टुरेण्ट…
  • साभ नेपालको अभिभावक शिक्षा कार्यक्रम

    आदर्श समाज सम्वाददाता वैशाख ९, २०८१
    पोखरा । चितवनको खैरहनी नगरपालिका वडा नं ८ को आयोजना तथा साभ नेपालको सहजीकरणमा वैशाख ७ र ८ गते अभिभावक…
  • सामुदायिक बगरमा डिएसपीको स्वागत

    आदर्श समाज सम्वाददाता वैशाख ९, २०८१
    पोखरा । सामुदायिक सेवा केन्द्र एवं सामुदायिक प्रहरी सेवा बगरले जिल्ला प्रहरी कार्यालय कास्कीका प्रहरी नायव उपरीक्षक वसन्तराज शर्मालाई स्वागत…
  • ‘जेष्ठ नागरिक जिउँदा भगवान्’

    आदर्श समाज सम्वाददाता वैशाख ९, २०८१
    पोखरा । रामबजार ज्येष्ठ नागरिक मिलन केन्द्रले शनिबार आयोजना गरेको शुभकामना आदानप्रदान तथा सम्मान कार्यक्रमका वक्ताले जेष्ठ नागरिक जिउँदा भगवान्…

hero news full width