पोखरा, २३ जेठ। प्रदेश ४ मा साहित्य, संगीत तथा नाट्य र ललितकलास“ग सम्बन्धित प्रज्ञा प्रतिष्ठान स्थापनाको माग गर्दै प्रदेशका मन्त्रीसमक्ष मागपत्र पेस बुझाइएको छ ।

राष्ट्रिय जनसांस्कृतिक महासंघ प्रदेश ४ संयोजक मनकुमार श्रेष्ठ र प्रज्ञा प्रतिष्ठान गठन पहल समितिका संयोजक पद्मराज ढकालको नेतृत्वमा गएको टोलीले मागपत्र बुझाएको हो।

सो क्रममा आर्थिक मामिला तथा योजना मन्त्री किरण गुरुङ र सामाजिक विकास मन्त्री नरदेवी पुनमगरले प्रदेशमा छिट्टै प्रज्ञा प्रतिष्ठान स्थापन हुने आश्वासन दिए ।

मागपत्र पेश गर्दा वाषिर्क अनुमानित खर्च २ करोड ११ लाख रुपैयाँ बराबरको विवरण पनि संलग्न गरिएको छ।  स्रष्टाले केन्द्रमा जस्तै प्रदेशमा पनि तीनवटै प्रज्ञा प्रतिष्ठान स्थापना हुनुपर्ने माग राखे पनि हाल सबै पक्षलाई समेटेर एक प्रज्ञा प्रतिष्ठानको स्थापना गरिने बताइएको छ ।

यस्तै, नीति-नियम बनाएर छिट्टै यस कार्यको थालनी गर्ने सोच प्रदेश सरकारको कार्य योजनामा रहेको सो अवसरमा जानकारी दिइयो ।

मागपत्र बुझाउन जाने टोलीमा साहित्यकार नारायण परिश्रमी, लोक तथा दोहोरी गायक प्रजापति पराजुली, नृत्य निर्देशक मेनकाजी गुरुङ, कलाकार बुद्धी गुरुङ, संगीतकार नवराज बराल, लोक तथा दोहोरी गायक जीवन दाहाल, साहित्यकार लक्ष्मण गौतम ‘हिमाली’, गायक खिम गुरुङ प्हाय“ आली, कलाकार विवेक त्रिपाठी लगायत सहभागी थिए ।