पोखरा, २३ जेठ । जनकल्याण बहुउद्देश्यीय सहकारी संस्थाले १६ औं स्थापना दिवसका अवसरमा आयोजना गरेको रक्तदान कार्यक्रममा ५२ युनिट रगत संकलन भएको छ।

प्रमुख अतिथि जिल्ला सहकारी संघ, कास्कीका अध्यक्ष रविरमण तिवारीले रक्तदाता सृजना घिमिरेलाई ब्लडव्याग हस्तान्तरण गर्दै कार्यक्रम उद्घाटन गरेका थिए।

संस्थाका अध्यक्ष यादब पोखरेलको अध्यक्षतामा भएको कार्यक्रममा उपाध्यक्ष नरहरि अधिकारीले स्वागत तथा सचिव सन्तोष पौडेलले सञ्चालन गरेका थिए। सहकारी सञ्चालन समिति सदस्य बालकृष्ण भण्डारीको संयोजकत्वमा कार्यक्रम सम्पन्न भएको हो।