वातावरण दिवसमा सामुदायिकको वृक्षरोपण

आदर्श समाज सम्वाददाता
जेठ २३, २०७५
samuyaik

पोखरा, २२ जेठ। विश्व वातावरण दिवस अवसर पोखरा लेखनाथ महानगरपालिका वडा १२ स्थित सामुदायिक सेवा एवं सामुदायिक प्रहरी सेवा माटेपानी र सरस्वती आधारभूत विद्यालयले संयुक्त रुपमा वृक्षरोपण गरेका छन्।

विद्यालय परिसरमा आयोजित वृक्षरोपण कार्यक्रम पोखरा लेखनाथ महानगरपालिकाका मेयर मानबहादुर जिसीले उद्घाटन गरेका हुन्। त्यस अवसरमा विभिन्न प्रजातिका २५ वटा बिरुवा रोपियो ।

कार्यक्रममा वडाध्यक्ष रामबहादुर कार्की, प्रहरी निरीक्षक दीपक केसी, विद्यालय व्यवस्थापन समितिका निवर्तमान अध्यक्ष मीना बिकले बोलेका थिए।

सामुदायिक प्रहरी सेवा केन्द्र माटेपानीका अध्यक्ष कृष्ण आचार्यको अध्यक्षतामा भएको कार्यक्रममा प्रधानाध्यापक रुद्रबहादुर रानाभाटले स्वागत र सामुदायिक केन्द्रकी सचिव नीरादेवी आचार्यले सञ्चालन गरेकी थिइन्।

उता, सामुदायिक बगरले सचेतना र्‍याली सहित वृक्षरोपण गरेको छ। वडा कार्यलयबाट निकालिएको सचेतना र्‍यालीका सहभागीले विभिन्न भाग परिक्रमा गरी गंगेश्वर मन्दिरमा पुगेर वृक्षरोपण गरेका हुन् ।

उक्त अवसरमा चाप, अम्बा, पुष्प र वकाइना लगायतका ४२ वटा बिरुवा रोपिएको सामुदायिक सेवा केन्द्र एवम् सामुदायिक प्रहरी सेवा बगर अध्यक्ष जीवन अधिकारीले जानकारी दिइन्।वडा प्रहरी कार्यालयका प्रमुख प्रहरी निरीक्षक दुर्गाप्रसाद श्रेष्ठले सामुदायिक सेवा केन्द्र एवम् सामुदायिक प्रहरी सेवा बगरका १ थान ल्यापटप हस्तान्तरण गरेका छन्।

वडाध्यक्ष शारदाकुमारी पराजुलीले समाजिक क्षेत्रमा यस केन्द्र सक्रिय हुँदैआएको बताइन्। कार्यक्रममा कार्यक्रम संयोजक कल्पना बास्तोला, सचिव रामभूषण पराजुलीले बोलेका थिए ।

त्यस्तै, सामुदायिक हेमजाले पनि वृक्षरोपण गरेको छ। गौरीशंकर मावि र ग्रामप्रकाश प्राविमा वृक्षरोपण गरेको सामुदायिक हेमजा अध्यक्ष विष्णु बास्तोलाले जानकारी दिइन्।

उक्त अवसरमा कपुर, निमपत्ता, धुपी, तेजपत्ता, खनायोगरी ५० वटा विरुपा रापिएको छ। वडाध्यक्ष शोभाकर तिमिल्सिनाले रोपेका बिरुवा जतना गर्नुपर्ने बताएको केन्द्र उपाध्यक्ष घनश्याम तिम्सिनाले बताए ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width