गुरुङ चलचित्र ‘मैरिमो’ प्रदर्शन तयारी

आदर्श समाज सम्वाददाता
जेठ २१, २०७५
film lamjung

लमजुङ, २० जेठ। समाजमा सचेतना फैलाउने उद्देश्यले तयार गरीएको गुरुङ चलचित्र ‘मैरिमो’ -सम्झी रहेछु/मिस यु) को जिल्ला सदरमुकाम बेसीशहरमा प्रदर्शनको तयारी गरिएको छ। बेसीशहरस्थित अन्नपूर्ण चलचित्र मन्दिरमा जेठ २६ गते शनिबारका दिन उक्त फिल्म प्रदर्शनको तयारी गरिएको पत्रकार भेटघाटमार्फत आयोजकद्वारा जानकारी गराइएको छ।

‘गुरुङ फिल्मको इतिहासमा पहिलोपटक एकसाता लगातार आफ्नो प्रदर्शन गर्न सो गुरुङ चलचित्र ‘मैरिमो’ सफल रुप्ामन प्रदर्शन हँदै आएको सो चलचित्रका सह-निर्देशक एवं कलाकार गमन घलेले बताए। यसअघि चलचित्र ‘मैरिमो’को पोखरा, चितवन, काठमाडौं, मनाङ साथै अमेरिकामा ४ शो र बेलायतमा ३ शो प्रदर्शन भइसकेको छ,’ उनले भने।

चलचित्र ‘मैरिमो’ जेठको पहिलो साता दमौलीमा आयोजित दोस्रो गुरुङ चलचित्र महोत्सवमा विशेष प्रदर्शन गरिएको चलचित्रका सह-निर्देशक एवं कलाकार गमन घलेले जानकारी दिए। उनका अनुसार गाउँका सामुदायिक विद्यालयमा विद्यार्थी संख्या बढाउन गरिएको प्रयासलाई चलचित्रले मुख्य विषय बनाएको घलेले बताए। उनले भने ‘युवाहरु वैदेशिक रोजगारीमा जाँदा र गाउँका महिला, बालबालिकाको शिक्षादीक्षाको लागि सहर पस्दा ग्रामीण बस्ती पातालि“दै गएको र यसले गर्दा गाउँको समुदायिक विद्यालयमा विद्यार्थी घटेका घटनालाई फिल्मीक्षेत्रबाट उठाउने प्रयास गरेका छौं।’

मुनाल फिल्मस्को ब्यानरमा निर्मित ‘मैंरिमो’ ७० प्रतिशत गुरुङ भाषा प्रयोग गरिएको चलचित्र ‘मैरिमो’का कार्यकारी निर्मातामा बालकाशी गुरुङले बताए। उनका अनुसार लमजुङको क्व्होलासोंथर गाउँपालिका-२, मालिङको सैलुङ गाउँमा ९० प्रतिशत र पोखरामा १० प्रतिशत छायांकन गरिएको छ। उक्त चलचित्र ‘मैरिमो’ भोजबहादुर गुरुङको निर्देशनमा निर्माण भएको हो। चलचित्र ‘मैरिमो’का कलाकारहरुमा गमन घले, प्रेम गुरुङ, सपना गुरुङ, सेसुवा गुरुङ (सोनु), गजेन्द्र गुरुङ, कूलबहादुर गुरुङ, इन्द्रसुबा गुरुङ, अमीर गुरुङ, कमल गुरुङ, बालकाशी गुरुङ, रोशन गुरुङ लगायत छन्।

केयरसिंह गुरुङको कथा, रोशन गुरुङको पटकथा र संवाद रहेको चलचित्र ‘मैरिमो’मा आश गुरुङ, अमिर गुरुङ र प्रेम गुरुङको गीत रहेको छ। त्यसको छायांकन तथा सम्पादन खिमबहादुर गुरुङले गरेका छन्। तेजेन्द्र गुरुङको संगीतमा मनोज गुरुङ, गोविन गुरुङ, तारा श्रीषमगर, पवित्र गुरुङ र सरुन गुरुङले स्वर दिएका छन्।

फिल्मका निर्माताहरुमा प्रेम गुरुङ र सपना गुरुङ छन्। फिल्ममा समावेश पत्रकार महासंघका जिल्ला अध्यक्ष समेत रहेका आश गुरुङद्वारा लिखित ‘ए ङोल्स्यो ‘ए ङोल्स्यो … ’ बोलको गीत गुरुङ समुदायमा मात्रै नभइकन अन्य समुदायमा पनि निकै लोकप्रिय छ। उक्त चलचित्र शनिबार बिहान ११ बजे र दिउँसो २ बजे गरी २ शो प्रदर्शन हुने ए।

लमजुङपछि हङकङमा जुन १७ तारिखका दिन फिल्म प्रदर्शन गर्ने तयारी गरिएको पत्रकार भेटघाट कार्यक्रममा जानकारी दिइएको छ। सो पत्रकार सम्मेलनमा मैंरिमो चलचित्रका गायक मनोज गुरुङ, गीतकार एवं पत्रकार आश गुरुङ, गुरुङ चलचित्रका नायक खेमराज घले, गुरुङ फिल्मका शुभन्तिक बाला घले, नेपाल पत्रकार महासंघका प्रदेश समिति सदस्य कमला के.सी, निवर्तमान केन्द्रीय सदस्य किसान संगीत नेपाली लगायत संचारकर्मीको सहभागिता थियो।

Related News

सम्बन्धित समाचार

  • गण्डकी बोर्डिङका शिक्षकलाई तालिम

    आदर्श समाज सम्वाददाता वैशाख १२, २०८१
    पोखरा । खुसी हुनु मानिसको मूल स्वभाव हो । तर अचेल व्यस्त दैनिकीका कारण मानिस आफ्नो खुसी हुने स्वभाव बिर्सिएर…
  • प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन

    आदर्श समाज सम्वाददाता वैशाख १२, २०८१
    पोखरा । पोखरा । प्रधानाध्यापक संघ नेपाल (प्रिन्सिपल एसोसियन नेपाल–पान) को पोखरामा सम्पन्न पहिलो भेलाले वामदेव पौड्यालको अध्यक्षतामा गण्डकी प्रदेशस्तरको…
  • एनटिभिएको शुभकामना आदानप्रदान

    आदर्श समाज सम्वाददाता वैशाख १२, २०८१
    पोखरा । नेपाल पर्यटक यातायात व्यवसायी संघ (एनटिभिए) गण्डकीले नयाँ वर्ष अवसरमा शुभकामना आदानप्रदान एवं टेबुल क्यालेन्डर लोकार्पण गरेको छ…
  • पोखरा १३ मा निशुल्क तालिम

    आदर्श समाज सम्वाददाता वैशाख १२, २०८१
    पोखरा । पोखरा १३ ले निशुल्क सिपमूलक तालिम उपलब्ध गराएको छ । एड्भान्स कटाइसिलाइ, डिप्लोमा ब्युटी पार्लर, लोकसेवा अनलाइन कक्षा…
  • जलारी समुदायबारे वृत्तचित्र

    आदर्श समाज सम्वाददाता वैशाख १२, २०८१
    पोखरा । जलारी समुदायबारे निर्माण भएको वृत्तचित्र सार्वजनिक गरिएको छ । गण्डकी प्रज्ञा प्रतिष्ठानले निर्माण गरेको वृत्तचित्र मंगलबार सार्वजनिक गरेको…

hero news full width