प्रेस युनियनको २७ औं स्थापना दिवस

आदर्श समाज सम्वाददाता
जेठ १४, २०७५
Press Union

पोखरा, १३ जेठ । नेपाल प्रेस युनियनको २७ औं स्थापना दिवस मनाइएको छ । ‘नेपाल प्रेस युनियनको अभियान, भौतिक र पेशागत सुरक्षासहित पत्रकारको सम्मानजनक पहिचान’ भन्ने मूल नाराका साथ आइतबार देशभर विविध कार्यक्रम गरिएको थियो ।

नेपाल प्रेस युनियन कास्कीले पनि पोखराको वीपीचोकमा मैनवत्ति प्रज्वलन कार्यक्रम गरेको छ । कार्यक्रममा पत्रकार र काँग्रेसका नेता तथा कार्यकर्ता सहभागी थिए ।

त्यस अवसरमा बोल्दै प्रदेश नम्बर ४ का सांसद एवं काँग्रेस संसदीय दलका नेता कृष्णचन्द्र नेपालीले लोकतन्त्रमाथि विश्वास गर्न हिच्किचाउने दलहरुको दुर्इ तिहाई रहेका बेला प्रेस स्वतन्त्रता हनन हुने सम्भावना रहेकाले प्रेस युनियनको भूमिका सशक्त बनाउनुपर्ने बताए । उनले पत्रकारहरु अझैपनि लोकतन्त्र, पेशागत हक र प्रेस स्वतन्त्रताका लागि लड्नुपर्ने अवस्था रहेको उल्लेख गरे ।

नेपाली काँग्रेस कास्कीका सभापति कृष्ण केसीले पत्रकारहरु निर्भिक र स्वतन्त्रतापूर्वक नागरिक अधिकारको पक्षमा उभिनुपर्नेमा जोड दिए । पूर्व सांसद शारदा पौडेलले संचार क्षेत्रले मुलुकलाई डोर्‍याउने भन्दै पत्रकार जिम्मेवार हुनुपर्ने बताइन् ।

कार्यक्रममा नेपाल पत्रकार महासंघ प्रदेश नम्बर ४ का सभापति त्रिभुवन पौडेल र कास्की सभापति दिपेन्द्र श्रेष्ठले बोलेका थिए ।

नेपाल प्रेस युनियन कास्कीका सभापति शिरोमणि बरालको अध्यक्षतामा भएको कार्यक्रममा सदस्य बिमला भण्डारीले स्वागत र सचिव प्रकाशचन्द्र सापकोटाले संचालन गरेका थिए ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width