पोखरा, १२ जेठ। डिभाइन युथ क्लब पोखराले शनिबार खुला रक्तदान कार्यक्रम आयोजना गरेको छ। रक्तदानमा ५९ युनिट रगत संकलन भएको अध्यक्ष रुद्रलाल कुँवरले जानकारी दिए।

पोखरा लेखनाथ महानगरपालिका-८ का वडाध्यक्ष रुद्रनाथ बरालले जिल्ला प्रहरी कार्यालय कास्कीका प्रहरी नायव निरीक्षक डिलप्रसाद अधिकारीलाई ब्लडब्याग हस्तान्तरण गरी कार्यक्रम उद्घाटन गरिएको थियो।

वडाध्यक्ष बरालले क्लबले सामाजिक र मानवीय सेवामा कार्य गर्दै आएको बताए।

श्यामाश्याम सत्संग महासंघ पोखराका उपाध्यक्ष ध्रुवप्रसाद पराजुलीले कार्यक्रममाथि प्रकाश पार्दै क्लबको यो नवौं रक्रदान कार्यक्रम रहेको जनाए।

क्लब अध्यक्ष रुद्रलाल कुँवरको अध्यक्षतामा भएको कार्यक्रममा सदस्य प्रज्ञा ज्ञवालीले स्वागत र एलिशा ढुंगाना सुवेदीले सञ्चालन गरेकी थिइन्।