अनुपम साङ्गीतिक साँझ तयारी

आदर्श समाज सम्वाददाता
जेठ १३, २०७५
anupam

पोखरा, १२ जेठ । पाँचौं अनुपम साङ्गीतिक साँझको तयारीका सर्न्दर्भमा शनिबार विभिन्न क्षेत्रका व्यक्तिहरुसँग छलफल गरिएको छ।

सहभागीले विगतमा सम्पन्न कार्यक्रमले नेपाली साङ्गीतिक क्षेत्रमा विशेष महत्व राखेको बताएका थिए।

संस्थाका सल्लाहकार समेत रहेका पत्रकार बद्रिविनोद प्रतीकले पोखराबाट अनुपम म्युजिकले उद्देश्यमूलक ढङ्गले कार्यक्रम सफलतापूर्वक सम्पन्न गरेको भन्दै इतिहासले यसको मूल्याङ्कन गर्ने राय व्यक्त गरे ।

पाहार ट्रस्ट नेपालका अध्यक्ष चन्द्रबहादुर गुरुङले सङ्गीत र समाजसेवालाई अनुपमले जोडेर अघि बढेकोमा प्रशंसा गरे ।

जनसांस्कृतिक महासंघ प्रदेश ४ इञ्चार्ज मनकुमार श्रेष्ठले पोखराका साङ्गीतिक कार्यक्रममध्ये अनुपमको कार्यक्रम ‘अनुपम’ खालकै हुने गरेको बताए । सचिव रुपिन्द्र प्रभावीको सहजीकरणमा भएको कार्यक्रममा प्रबन्ध निर्देशक अनुराग अधिकारीले आफ्नो नशा नशामा सङ्गीत बगेको भन्दै आफ्नो जीवन रहेसम्म कार्यक्रम सञ्चालन गर्ने बताए।

कार्यक्रममा सञ्चार उद्यमी देव क्षेत्री, रेन्बो चिल्ड्रेन होमकी प्रबन्ध निर्देशक गोमा ढकाल, नायक ताराबहादुर गुरुङ, गायक रामभक्त जोजिजू, हिसान कास्कीका अध्यक्ष डा रामजी शर्मा, तीर्थहरि स्मृति प्रतिष्ठानका अध्यक्ष वीरेन्द्र पालिखे, त्रिवेणी सङ्गीतालयका प्रबन्ध निर्देशक नवराज बराल लगायतले कार्यक्रमलाई भव्य बनाउन आफ्नो ठाउँबाट सहयोग गर्ने प्रतिबद्धता व्यक्त गरेका थिए ।

पोखरा उद्योग वाणिज्य संघमा आगामी जेठ २६ मा हुने साँझमा रामभक्त जोजिजू, कर्म ग्याल्छेन, इतु जोजिजू, शीतल थापा, कौशल्या गुरुङ, टीका प्रसाईँ, तमन्ना गुरुङ, जयकुमार परियार, सञ्जीव पराजुली, दुर्गा मगर, दीलकुमारी मगर, सुदीप गुरुङ लगायतको साङ्गीतिक प्रस्तुति रहने बताइएको छ।

विविध नृत्यसमेत प्रस्तुत गरिने सोही कार्यक्रममा गीतकार तीर्थ श्रेष्ठ, समाजसेवी गोमा ढकाल, सङ्गीतकार जयकुमार र गायक सञ्जीव पराजुलीलाई सम्मान प्रदान गरिने छ ।

Related News

सम्बन्धित समाचार

  • वाइयुके सुपरमार्केट तीजगीत

    आदर्श समाज सम्वाददाता भाद्र ३, २०७९
    पोखरा । तीज अवसरमा नीति प्रेस मिडिया प्रालिले वाइयुके सुपरमार्केट प्रथम खुला तीज गीत प्रतियोगिता–२०७९ गर्ने भएको छ । फेवाताल…
  • राधाकृष्ण गुरुकुल विद्यालयको भवन उद्घाटन

    आदर्श समाज सम्वाददाता भाद्र ३, २०७९
    लेखनाथ । पोखरा ३२, लामेआहालस्थित राधाकृष्ण गुरुकुल संस्कृति विद्यालयको नवनिर्मित भवन उद्घाटन गरिएको छ । नवनिर्मित चारकोठे पक्की भवन पोखरा…
  • शिवटोल विकासमा नयाँ कार्यसमिति

    आदर्श समाज सम्वाददाता भाद्र ३, २०७९
    पोखरा । शिवटोल विकास संस्थाको १६ औं वार्षिक साधारणसभा तथा आठौं अधिवेशनले ध्रुवबहादुर श्रेष्ठको अध्यक्षतामा नयाँ कार्यसमिति चयन गरेको छ…
  • कास्की मोडनाइज्डमा अभिमुखीकरण

    आदर्श समाज सम्वाददाता भाद्र ३, २०७९
    पोखरा । पोखरा–१४ स्थित कास्की मोडनाइज्ड एकेडेमीले विद्यालय र कक्षा १२ का विद्यार्थीको संयुक्त व्यवस्थापनमा कक्षा ११ मा भर्ना भएका…
  • मिडिया फुटसल प्रतियोगिता हुने

    आदर्श समाज सम्वाददाता भाद्र ३, २०७९
    पोखरा । रेडियो सराङकोट पोखराले मिडिया फुटसल प्रतियोगिता आयोजना गर्ने भएको छ । रेडियोको १६ औं वार्षिकोत्सव अवसरमा आगामी असोज…

hero news full width