सरकार पाँचै वर्षसम्म : दाहाल

आदर्श समाज सम्वाददाता
जेठ ११, २०७५

नेकपा अध्यक्ष पुष्पकमल दाहालले जनताबाट अनुमोदित बहुमत प्राप्त वर्तमान सरकार आगामी ५ वर्षसम्म सञ्चालन हुने र कसैले हल्लाएर नहल्लिने स्पष्ट पारेका छन् । उनले भने, “नौ महिना, १ वर्ष, २ वर्ष सरकार टिक्ने र टिकाइराख्ने अवस्था अब सदाका लागि अन्त्य भयो । सुविधाजनक बहुमत वर्तमान सरकारसँग छ । लोकतान्त्रिक विधि र प्रक्रियाअनुसार स्थिररूपमा पाँचवर्षसम्म यो सरकार टिक्छ । यसमा ढुक्क रहन म आग्रह गर्छु ।”

काठमाडौंमा बिहीवार आयोजित एक कार्यक्रम सम्बोधन गर्दै उनले राजनीतिक स्थायित्व र स्थिरताका लागि जनताले कम्युनिष्टलाई स्थानीय, प्रदेश र केन्द्रमा समेत सुविधाजनक बहुमत हुने गरी मत दिएको र यसलाई खेर जान नदिने बताए ।

“बहुदल अथवा गणतन्त्र स्थापनापछि ५ वर्षसम्म कुनै सरकारले काम गर्न पाएनन्, जनताले सरकारको मूल्याँकन गर्न पाएनन्, अब यस्तो अवस्थाको सदा अन्त्य हुन्छ, सरकारले ५ वर्ष जनमुखी काम गर्छ, यसपछिका निर्वाचनमा जनताले मूल्याँकन गर्छन्, सरकार अब खरो रूपमा आर्थिक समृद्धि र विकासमा उत्रन्छ,” उनले भने । उनले सरकारको नीति तथा कार्यक्रमले सरकारको आगामी ५ वर्षको मार्गचित्र कोरेको स्पष्ट पार्दै आगामी बजेटमा भौतिक पूर्वाधार र सामाजिक क्षेत्रमा बढी रकम विनियोजित हुनेसमेत जानकारी दिए ।

Related News

सम्बन्धित समाचार

hero news full width