भगवतीटार पीडित समितिमा अधिकारी

आदर्श समाज सम्वाददाता
जेठ १०, २०७५

पोखरा, ९ जेठ। २०३३ सालको भगवतीटार बाढीपहिरोबाट पीडित परिवारको बृहत् भेलाले सङघर्ष समिति गठन गरेको छ।

भगवतीटार बाढीपहिरो पीडित सङघर्ष समिति नाम दिइएको समितिको अध्यक्षमा रामनाथ अधिकारी सँगी चयन भएका छन्। यसैगरी समितिको उपाध्यक्षमा सुशीला आचार्य, सचिवमा इमान गुरुङ र कोषाध्यक्षमा मोहनप्रसाद गुरुङ छन्।

सदस्य नन्दलाल रानाभाट, शोभा पौडेल रानाभाट, खिमबहादुर रानाभाट, शालु थापा गुरुङ र कृष्णकुमारी आचार्य छन्। तत्कालीन समयमा श्री ५ को सरकारबाट जग्गा दर्ता गरी प्रमाणपूर्जा दिनेबारे नापी गोश्वारा कास्की पोखरामा लेखेको पत्र आधारमा पीडितलाई वडा १५ र १८ मा जग्गा दिने भनेर पीडितका नाममा कित्ता काटिए तापनि हालसम्म सुनुवाइ नभएको समितिको ठहर छ।

जनताले बनाएको सरकारले पीडितका पक्षमा काम गर्ला भन्ने आश गरिरहेको बेला आफ्नो वेदना सुन्नुको सट्टा पीडितको बसोबासमा डोजर चलाएर बिचल्ली पार्ने काम भएकाले समिति गठन गर्नु परेको अध्यक्षले जानकारी दिए।

Related News

सम्बन्धित समाचार

    hero news full width