एसएसओएसका भूपू विद्यार्थी एकजुट, अध्यक्षमा विकास

आदर्श समाज सम्वाददाता
जेठ १०, २०७५

पोखरा, ९ जेठ। भूतपूर्व विद्यार्थीबीच एकता कायम गर्न एसओएस हर्मन माइनर विद्यालयका भूतपूर्व विद्यार्थी एकजुट भएका छन्।

भूपू विद्यार्थी संघ एसओएस हरमन माइनर विद्यालय गण्डकी स्थापनाको औपचारिक घोषणा कार्यक्रममा बोल्दै प्रमुख अतिथि एसओएस बालग्रामका योजना निर्देशक भगतकुमार श्रेष्ठले संस्था चलाउँदा थुप्रै चुनौती आउने भएकोले त्यसलाई समाधान गर्न सबै विद्यार्थी एकजुट भएर लाग्नुपर्नेमा जोड दिए।

भूपू विद्यार्थी डा रविमोहन ढकालले संस्थाले सबैलाई समेट्ने खालको कार्यक्रम गर्न सुझाव दिए। विद्यालयका प्रिन्सिपल राजेन्द्रकुमार श्रेष्ठले भूपू विद्यार्थी संघ एसओएस हरमन माइनर विद्यालय गण्डकी नमूना संस्था बन्ने अपेक्षा गरे।

एसओएस यूथ फ्यासिलिटी गण्डकीका र्डाईरेक्टर प्रदीपभक्त आचार्यले संस्था स्थापना गर्नु ठूलो विषय नभएर संस्थालाई निरन्तरता दिनु चुनौतीको विषय भएको बताए ।

समितिका अध्यक्ष विकास श्रेष्ठले विद्यालयका विद्यार्थी देशमा मात्र नभएर विदेशमा पनि छरिएर रहेकाले उनीहरु सबैलाई एकत्रित गर्ने उद्देश्यले समिति गठन गरेको बताए।

विकास श्रेष्ठको अध्यक्षतामा गठित ९ सदस्यीय समिति उपाध्यक्षमा सम्झना पराजुली, सचिवमा अमृतकुमार पौडेल, कोषाध्यक्षमा अञ्जु गुरुङ, सदस्य राजु लामा, कुमार गुरुङ, सम्झना लम्साल, एलिसा शर्मा, शंकर श्रेष्ठ रहेका छन्।

विकास श्रेष्ठको अध्यक्षतामा भएको कार्यक्रममा स्वागत उपाध्यक्ष सम्झना पराजुली र सञ्चालन सचिव अमृतकुमार पौडेलले गरेका थिए।

एसओएस हरमन माइनर विद्यालयले अभिभावक गुमाए विभिन्न ठाउँका विपन्न बालबालिकाको अभिभावक बनेर उनीहरुलाई उपयुक्त वातावरणमा हुर्काउनुका साथै गास, वास, कपास, शिक्षा र संरक्षण दिदैँ आएको छ।

यस क्षेत्रकै उत्कृष्ट विद्यालयको रुपमा आफूलाई स्थापित गर्न सफल विद्यालयले समाज धेरै बालबालिकालाई शिक्षा आर्जन गर्न छात्रवृत्ति पनि प्रदान गर्दै आएको छ।

हाल एसओएस बालग्राममा १ सय ४७ जना बालबालिका छन् । विद्यालयले १ सय २० जनालाई छात्रवृत्ति प्रदान गरेको छ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width