गोकुल जयन्तीमा दृष्टिविहीन विद्यार्थीलाई सहयोग

आदर्श समाज सम्वाददाता
जेठ ९, २०७५

पोखरा, ८ जेठ। गोकुल जोशीको ८९ औं जन्मजयन्ती अवसरमा तनहुँ सर्म्पर्क समाज पोखराले दृष्टिविहीन विद्यार्थीलाई सहयोग वितरण तथा साहित्यिक कार्यक्रम गरेको छ।

समाजले पोखराको कुँडहर आधारभूत विद्यालयका कुल १ सय २० जना विद्यार्थीमध्ये १० जना दृष्टिविहीन विद्यार्थीलाई चामल, चिउरा, चना, नून, तेल, चाउचाउ लगायत खाद्यान्न सामग्री वितरण गरेको हो।

प्रमुख अतिथि आन्तरिक राजस्व कार्यालय पोखराका कर अधिकृत विजय लामिछानेले दृष्टिविहीन विद्यार्थीलाई ममतामयी वातावरणमा शिक्षा प्रदान गरिनुपर्ने धारणा राखे।

समाजका अध्यक्ष शिवराज पौडेलले खाद्यान्न सहयोग गरी सामाजिक दायित्व वहन गर्न पाउँदा आनन्द महसुस भएकोे बताए।

विद्यालय व्यवस्थापन समिति अध्यक्ष रूद्रकुमारी गुरूङले न्यून आयस्रोत भएका अभिभावकका बाबुनानी विद्यालयमा अध्ययनरत रहेको बताउँदै सहयोगप्रति आभार प्रकट गरिन्।

साहित्यकार स्ट्रगल रानाले प्रगतिशील साहित्यको क्षेत्रमा जनकवि गोकुल जोशीको योगदान महत्वपूर्ण रहेको बताए।

समाजका संस्थापक अध्यक्ष चन्द्रविक्रम अधिकारीले समाजले सामाजिक क्षेत्रमा विविध कार्यक्रम गर्दै आएको बताए।

समाजका उपाध्यक्ष भरत केसीले स्वागत मन्तव्य राखेको कार्यक्रममा वरिष्ठ उपाध्यक्ष तथा कार्यक्रम संयोजक अम्बिकाप्रसाद भट्टराईले सञ्चालन गरेका थिए।

कार्यक्रममा भीम रानाभाट, चन्द्रावती वाग्ले र निकेश गिरीले कविता वाचन गरेका थिए।

गोकुल जन्मजयन्ती अवसरमा वर्षेनि सामाजिक काम गर्दैआएको समाजले वित्तीय कारोबारका लागि माृतभूमि बचत तथा ऋण सहकारी संस्था समेत स्थापना गरेको छ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width