देशभर तरुण दलको अन्तक्रिर्या

'अघिल्लो पुस्तालाई सम्मान, युवालाई प्राथमिकता’

आदर्श समाज सम्वाददाता
जेठ ६, २०७५
Tarun dal_n

पोखरा, ५ जेठ। नेपाली काँग्रेसले युवालाई प्राथमिकता दिएर अघि बढ्नुपर्नेमा पोखरामा शनिवार आयोजित कार्यक्रममा जोड दिइएको छ।

‘अब पार्टीका अघिल्लो पुस्तालाई सम्मान गर्ने हो, युवालाई प्राथमिकताका साथ जिम्मेवारी दिनुपर्छ,’ वक्ताले भने-‘युवालाई अघि सार्न सके पार्टीसशक्त बन्ने छ।’

नेपाल तरुण दल कास्कीले पोखरामा शनिवार आयोजना गरेको जनताको साथमा तरुण दलविषयक अन्तक्रिर्यामा काँग्रेसका नेताले पार्टीकाई जनताको बीचमा लैजाने जिम्मेवारी तरुणहरुको काँधमा रहेको बताए। प्रमुख अतिथि नेपाल तरुण दलका पूर्व अध्यक्ष एवं पूर्व राज्यमन्त्री महादेव गुरुङले पार्टीकाई नयाँ उत्साह, सोच र दृष्टिकोणबाट अघि बढाउनुपर्ने आवश्यकता औल्याए। उनले पार्टीभत्र चलेको गुटको कारखाना अन्त्य गर्दै सवल र बलियो काँग्रेस निर्माणका लागि पार्टीपुनःनिर्माण गर्न आवश्यक रहेको बताए। देशमा बढ्दो भ्रष्टाचार नियन्त्रण र युवा स्वरोजगार अभियानका लागि तरुण दलले विशेष अभियान चलाउनुपर्ने उनको भनाइ छ। देशमा कम्युनिष्ट अधिनायकवादको संकेत आउन सक्ने भन्दै उनले तरुण दलले राजनीतिक जागरण चलाउनुपर्नेमा जोड दिए।

नेपाली काँग्रेस कास्कीका सभापति कृष्ण केसीले पार्टीकाई सशक्त बनाउन सबैको साथ र सहयोग जरुरी भएको उल्लेख गरे।

नेपाली काँग्रेसका नेता सोभियतबहादुर अधिकारीले कमी कमजोरी सच्याउन तयार भएर पार्टीकाई एकढिक्का बनाउनुपर्ने बताए।

त्यस अवसरमा पूर्व सांसद शारदा पौडेल, नेपाली काँग्रेस कास्कीकी कोषाध्यक्ष लक्ष्मी पाण्डे, नेपाल लोकतान्त्रिक खेलकुद संघका अध्यक्ष देवेन्द्रकुमार शेरचन, नेपाल ट्रेड युनियन प्रदेश ४ का सभापति मुरारी शर्मा, नेपाली काँग्रेस कास्कीका सदस्य शंकर ढुंगाना, क्षेत्र १ का सचिव सुरजजंग राणा, नेपाल महिला संघ कास्कीकी सचिव कमलाविन्दु बराल, जिल्ला सहसचिव पुजन थकाली, नेपाल तरुण दलका क्षेत्रीय सभापति दीपक गुरुङ, डिआर भट्टराई, महाधिवेशन प्रतिनिधि दुर्गा लामिछाने, क्षेत्रीय सदस्य पवित्रा थापा, स्वतन्त्र विद्यार्थी युनियन जनप्रिय क्याम्पसका सभापति आशिक गुरुङ र माछापुच्छ्रे गाउँपालिका वडा १ का अध्यक्ष वीरेन्द्र गुरुङले बोलेका थिए।

कार्यक्रममा नेपाल तरुण दलका पूर्व केन्द्रीय सदस्य दिवशमान प्रधानाङ, निवर्तमान केन्द्रीय सदस्य ऋषिराम काफ्ले र पब्लिक कलेज प्रजातन्त्रवादी संघका केन्द्रीय सचिव वेदहरि तिमिल्सिनाले सहजीकरण गरेका थिए।

नेपाल तरुण दल कास्कीका अध्यक्ष मनोज गुरुङको अध्यक्षतामा भएको कार्यक्रममा उपाध्यक्ष प्रेमलाल पुनले स्वागत, कोषाध्यक्ष जीवनप्रसाद बास्तोलाले धन्यवाद ज्ञापन र सचिव नरेन्द्र थापाले सञ्चालन गरेका थिए।

तरुण दलले शनिवार देशभर नै अन्तर्क्रिया गरेको छ। केन्द्रीय कार्य समितिको परिपत्र अनुसार, कास्कीमा पनि कार्यक्रम गरिएको हो।

Related News

सम्बन्धित समाचार

  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • विपदमा देशभर ३८ जनाको मृत्यु

    आदर्श समाज सम्वाददाता श्रावण ८, २०८१
    काठमाडौं । यस वर्ष बाढी, पहिरोलगायतका विपद‍्मा परी सोमबार दिउँसोसम्म मुलुकभर १ सय ३१ जनाको मृत्यु भएको छ । विपद‍्मा…

hero news full width