एशियन फोरममा सम्मान

आदर्श समाज सम्वाददाता
जेठ ६, २०७५
IMG_9931

पोखरा, ५ जेठ। एशिया मानवअधिकार तथा सांस्कृतिक विकास मञ्च (एशियन फोरम) कास्कीले शनिवार सम्मान तथा बधाई ज्ञापन गरेको छ।

त्यस अवसरमा फोरमद्वारा स्थापित अक्षयकोषका सहयोगीदाता कल्पना गुरुङलाई सम्मान गरिएको थियो।

पर्वत पाखापानी घर भई हाल काठमाडौं निवासी दाता कल्पना गुरुङले अक्षयकोषका लागि एक लाख एक हजार एक सय ११ रुपैयाँ प्रदान गरेकी थिइन्। त्यसैगरी विभिन्न संस्थामा अध्यक्ष पदमा निर्वाचित भएका संस्थाका पदाधिकारीलाई बधाई ज्ञापन गरियो।

फोरमका प्रदेश-४ का सचिव कृष्ण रानाभाट लायन्स क्लब अफ पोखरा सेन्ट्रल गार्डेनको अध्यक्ष, संस्थाका शुभचिन्तक प्रकाश गुरुङ कालावाङ घरेडी होमस्टेको अध्यक्ष, सदस्य सन्तबहादुर गुरुङ युनिप्सको केन्द्रीय अध्यक्ष र सदस्य मीरा पौडेल मितेरी नारी समूह वैदामको अध्यक्ष भएकोमा प्रमाणपत्रसहितको बधाई ज्ञापन गरिएको हो।

कार्यक्रमका प्रमुख अतिथि स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोला, एशिया फोरमका केन्द्रीय अध्यक्ष निरज थापा र जिल्ला अध्यक्ष तिलक थापाले सम्मानपत्र, खादा र अवीर प्रदान गरी सम्मान गरेका थिए।

त्यस अवसरमा प्रमुख अतिथि बास्तोलाले आप्रवासीलाई व्यवस्थित गर्न र दिगो आर्थिक विकासका लागि गरेका कार्य उदाहरणीय भएको बताए।

फोरमका केन्द्रीय अध्यक्ष निरज थापाले संस्थाले सुकुम्वासी बस्तीमा विद्यालय, ग्रामीण क्षेत्रमा होमस्टे र सामुदायिक स्वास्थ्य केन्द्रको स्थापना, निःशुल्क स्वास्थ्य शिविरलगायतका कार्य गदै आएको जानकारी दिए।

समाजसेवी किरण गुरुङले एशिया फोरमको राम्रो उद्देश्य देखेर नै आफूले सहयोगको पहल गरेको बताइन्।

फोरमका जिल्ला अध्यक्ष तिलक थापाको अध्यक्षतामा भएको कार्यक्रममा उपाध्यक्ष पार्वती पौडेल रेग्मीले स्वागत तथा सचिव अम्बिका खड्का ढकालले सञ्चालन गरेकी थिइन्।

Related News

सम्बन्धित समाचार

  • आर्वाविजय माविको सुविधायुक्त भवन

    आदर्श समाज सम्वाददाता जेठ ११, २०७९
    पोखरा । आर्वाविजय मावि, पोखरा–१३ को पक्की भवन निर्माण भएको छ । भारत सरकारको ३ करोड ९८ लाख ३४ हजार…
  • चुनावको जात्रा, मकैको व्यापार

    धनबहादुर गुरुङ जेठ ११, २०७९
    पोखरा । भुंग्रोमा मकैका घोगा ओल्टाइपल्टाइमै दिन बित्छ, अचेल पोखरा ७ कि कल्पना मगरका आमाछोरीको । छोरी नानुमायाले मकै खोस्टाउने…
  • होटल संघ गण्डकीमा हरि शर्मा

    आदर्श समाज सम्वाददाता जेठ १०, २०७९
    पोखरा । होटल संघ नेपाल (हान) गण्डकी गठन गरिएको छ । संस्थाको अध्यक्षमा पुराना पर्यटन व्यवसायी हरिप्रसाद शर्मा गैह्रे निर्विरोध…
  • कृष्ण भुजेललाई सहिद घोषणा गर्न माग

    आदर्श समाज सम्वाददाता जेठ ९, २०७९
    पोखरा । संसदीय चुनाव २०५४ का क्रममा साविक कालिका गाविसमा अमानवीय तरिकाले हत्या गरिएका कृष्ण भुजेललाई सहिद घोषणा गर्न माग…
  • सोंपाल समाजको ९ लाख सहयोग

    आदर्श समाज सम्वाददाता जेठ ९, २०७९
    पोखरा । बेलायतमा च्यारिटी कमिसनमा रजिस्टर भएको संस्था साेंपाल समाज युकेले आँधीखोला गाउँपालिका १ बेझाङको आधारभूत विद्यालयलाई सहयोग गरेको छ…

hero news full width