पोखरा, २४ वैशाख। प्रथम प्रदेशस्तरीय औद्योगिक प्रदर्शनी तथा रोजगार मेला सोमबार सकिएको छ।
समापनमा प्रमुख अतिथि फलेवास नगरपालिकाका प्रमुख पदमपाणि शर्माले घरेलु उद्योगको विकासले नै मुलुकको समृद्धि सम्भव रहेको जिकिर गर्दै यसको सर्म्बर्द्धन र प्रवर्द्धनमा राज्यले विशेष जोड दिनुपर्ने बताए।
उनले व्यक्ति स्वरोजगार बनेमा व्यक्तिगत जीवनयापनमात्र नभइ मुलुककै आर्थिकस्तर उच्च हुने बताए। उनले आफ्नो नगरपालिकाअन्तर्गत प्रत्येक वडामा १० जना ब्युटिसियनका साथै कपाल काट्ने तालिम लगायत स्वरोजगार तालिम दिइरहेको जानकारी पनि दिए।
नेपाल घरेलु तथा साना उद्योग महासंघका पूर्व उपाध्यक्ष एवं सल्लाहकार गजकुमारी गुरुङले रोजगारीको आधार उद्योग भएकाले यसमा जोड दिनुपर्ने बताइन्। श्रम, रोजगार तथा सूचना केन्द्र पोखराका कार्यालय प्रमुख भरत काफ्ले सहजकर्ताको भूमिकामा आफू रहेको बताए।
महासंघ प्रदेश ४ का अध्यक्ष हरिहर पौडेलले मेलामा आशा गरे अनुरुप दर्शक भित्रिएको जानकारी दिए। मेलामा घरेलु तथा साना उद्योग र रोजगारसम्बन्धी ५० वटा स्टल रहेका थिए। मेलामा खाद्यान्न, कपडा, कस्मेटिक, हस्तकला, अचार लगायत उद्योगको स्टल रहेका थिए।
महासंघ कास्कीका अध्यक्ष महाप्रसाद सुवेदीको अध्यक्षतामा भएको कार्यक्रममा वरिष्ठ उपाध्यक्ष सुवास सिग्देलले स्वागत तथा सचिव पशुपति शर्माले सञ्चालन गरेका थिए।
सो मेलाको उद्घाटनमा प्रदेश ४ का उद्योग, पर्यटन, वन तथा वातावरण मन्त्री विकास लम्सालले १३ हजार रोपनीमा औद्योगिक क्षेत्र बनाउने घोषणा गरेका थिए। मेला चार दिनसम्म चलेको थियो ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१