पोखरा, २४ वैशाख । छोरेपाटन माविले सोमबार शिक्षिका तारा काफ्लेलाई बिदाइ गर्दै इन्द्र स्मृति पुरस्कारद्वारा सम्मान गरेको छ ।

कार्यक्रममा वडा अध्यक्ष तीर्थराज अधिकारी, सहायक प्रधानाध्यापक डिल्लीराम शर्मा, शिक्षक दीव्येश्वरी रेग्मी, लक्ष्मी देवकोटा, मेघनाथ पौडेल, टीका क्षेत्री लगायतले शुभकामना व्यक्त गरेका थिए।

सो अवसरमा शिक्षक जानुका पौडेल र विद्यार्थी ऋतिमा क्षेत्री, अञ्जना सुवेदी र सुलोचना लामिछानेले बिदाइ गीत गाएका थिए।

इन्द्र स्मृति पुरस्कारको स्थापना प्रधानाध्यापक लक्ष्मण थापाले गरेका हुन्।

प्रअ थापाको अध्यक्षतामा भएको कार्यक्रममा स्वागत सहायक प्रअ बद्रीनाथ पहारी र सञ्चालन शिक्षक सीता बरालले गरेकी थिइन्।