कृषि उत्पादनमुखी हुनुपर्छ : मन्त्री थापामगर

आदर्श समाज सम्वाददाता
वैशाख १७, २०७५

लेखनाथ, १६ वैशाख। प्रदेश नं ४ का भूमी ब्यवस्था, कृषि तथा सहकारीमन्त्री लेखबहादुर थापामगरले कृषिलाई उत्पादनमुखी बनाउनुपर्नेमा जोड दिएका छन् ।

पोखरा लेखनाथ महानगरपालिका वडा नं ३३ मा निर्माणाधीन बंगुर ब्यवसाय औधोगिक क्षेत्रमा आइतवार आयोजित अन्तरक्रिया कार्यक्रममा बोल्दै मन्त्री थापागरले माटो र हावापानी सुहाउनेगरी कुन ठाउँमा के को उत्पादन गर्न सकिन्छ त्यसबारे नीतिगत तरिकाले नै प्रदेश सरकार अगाडी वढेको बताए।

कृषिमा आधारित अर्थतन्त्रलाई बलियो बनाउनका लागि अवको तिन वर्षमा कृषि उत्पादनमा आत्मनिर्भर र पाँच वर्षमा निर्यात गर्न सक्नेगरी केन्द्र, प्रदेश र स्थानीय सरकार अगाडी बढेको विचार राखे। मन्त्री थापामगरले भूमी ऐनको पालन गर्दै ब्यवसायिक उत्पादनतर्फ अग्रसर हुन आग्रह गरे ।

सोही अवसरमा भूमि ब्यवस्था, कृषि तथा सहकारी मन्त्रालयका सचिव सरदचन्द्र श्रेष्ठले कृषि उत्पादनलाई विश्वास गर्दै आधुनिक तरिकाले सामुहिक लगानीको माध्यमबाट अगाडी वढ्नुपर्ने सुझाव दिए । क्षेत्रीय कृषि निर्देशक मनबहादुर पुनले निर्वाहामुखी कृषिलाई छोडेर ब्यवसायिकमुखी हुन सवैलाई आग्रह गरे। निर्माण समितिका अध्यक्ष कृष्णबहादुर गुरुङले योजनाको वस्तुस्थिति र भावी योजनाबारे जानकारी गराएको कार्यक्रममा पशु विकास र्फमको तर्फबाट शम्भु पाण्डे, पोखरा लेखनाथ वडा नं ३३ का वडाअध्यक्ष शिवप्रसाद आचार्य, बंगुर ब्यवसायी कृषक उमेश पुन, केन्द्रीय बंगुर, कुखुरा प्रवद्धन कार्यालयका अधिकृत मोती लामिछाने लगायतले सम्भावनाको खोजी गर्दै कृषिमा आधारित उद्योगलाई वढवा दिनुपर्नेमा जोड दिए।

बंगुर विल्डर कृषि सहकारी संस्थाका अध्यक्ष योगबहादुर आचार्यको अध्यक्षतामा भएको सो कार्यक्रममा उपाध्यक्ष प्रेमकुमारी रानाले स्वागत र निर्माण समितिका सचिव यदुप्रसाद आचार्यले कार्यक्रम सञ्चालन गरेका थिए।

पोखरा लेखनाथ महानगरपालिका वडा नं ३३ मा करिव एक सय ४० रोपनी क्षेत्रफलभित्र  निर्माणाधीन वंगुर ब्यवसाय औधोगिक क्षेत्रमा नेपाल सरकारको ७० प्रतिशत र ब्यवसायीको ३० प्रतिशत गरी कूल २२ करोडको लागतमा ब्ववस्थित बंगुरपालन योजनालाई अगाडी वढाइएको हो । योजनाको पहिलो चरणमा करिव पाँच करोड लगानी गरेर जग्गा ब्ववस्थापनदेखि १६ वटा ब्यवस्थित खोर निर्माण गरिसकिएको छ ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width