नेत्रहीन विद्यालयलाई सहयोग

आदर्श समाज सम्वाददाता
वैशाख १६, २०७५
foundadation

पोखरा, १५ वैशाख। नेपाल नेत्रहीन विद्यार्थी फाउन्डेसन -एफएनबिएस) को पोखरामा तेस्रो  साधारण सभा सम्पन्न भएको छ।

गोरखा र कास्कीमा गरी ५ वटा नेत्रहीन शाखाका करिब १ सय जना नेत्रहीन विद्यार्थीको हकहितमा कार्यक्रम गर्दै आएको संस्थाले विद्यार्थीलाई आत्मनिर्भर बनाउने लक्ष्य रहेको संस्थाका प्रोग्राम कोर्र्डिनेटर तथा सदस्य सचिव शिवलाल धितालले जानकारी दिए।

धितालले गण्डकी आवासीय माविमा २९ वर्षको सेवापछि सहयोगी संस्था स्थापना गर्न आफू अभिप्रित भएको उल्लेख गरे।

उनले आवश्यकता अनुसार नेत्रहीन विद्यार्थीलाई छात्रवृत्ति प्रदान गर्ने, उपचार हुन सक्ने नेत्रहीन विद्यार्थीका आँखाको उपचार गराउने, विश्वमा हालै आविष्कार हुँदै गएका नेत्रहीन विद्यार्थीको पढाइलाई अर्थपूर्ण र प्रभावकारी बनाउन उपयोगी इलेक्ट्रोनिक्स डिभाइस उपलब्ध गराउने संस्थाको योजना रहेको सुनाए। नेत्रहीन शाखा रहेका गोरखा र पोखराको विद्यालयमा कार्यरत शिक्षकलाई शिक्षण ओरियन्टेसन कार्यक्रम सञ्चालन गर्दै आएको संस्थाले जानकारी दिएको छ।

प्रमुख अतिथि महिला सशक्तिकरण नेपालकी कार्यकारी निर्देशक लक्की क्षेत्री कार्कीले फाउन्डेसनको योजना तथा नीति अत्यन्त पवित्र र मानवीय सेवा भावको रहेकाले उपयोगी हुने बताइन्। उनले आफ्नातर्फबाट सहयोग गर्ने वचन समेत दिइन्।

पोखरा उद्योग वाणिज्य संघकी उपाध्यक्ष तथा फाउनडेसनकी सदस्य विन्दु कोइराला सुवेदीले संस्थाको उद्देश्य अनुरूप चल्ने दाबी गर्दै सबैको हातेमालो आवश्यक भएको औँल्याइन्।

साधारण सभामा फेरिल्यन्ड मन्टेश्वरीका प्राचार्य शशिकला धिताल कोइरालाले संस्थाको प्रगतिको कामना गर्दै आफ्नोतर्फबाट हुन सक्ने सहयोग सधैँ रहने जनाइन्।

संस्थाका अध्यक्ष सूर्य क्षेत्रीको अध्यक्षतामा भएको कार्यक्रममा कर्माफ्लाइटस् पोखराको कन्ट्री डाइरेक्टर प्रेमबहादुर कुँवरले संस्थाको आवश्यकता बताउँदै सहकार्य गर्न इच्छुक रहेको धारणा राखे।

संस्थाका अध्यक्ष सूर्य क्षेत्रीले संस्थालाई सहयोग गर्ने स्वदेशी तथा विदेशी दातालाई धन्यवाद दिए।

कार्यक्रममा नव वर्ष २०७५ शुभकामना आदानप्रदान समेत गरिएको थियो।

Related News

सम्बन्धित समाचार

  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • विपदमा देशभर ३८ जनाको मृत्यु

    आदर्श समाज सम्वाददाता श्रावण ८, २०८१
    काठमाडौं । यस वर्ष बाढी, पहिरोलगायतका विपद‍्मा परी सोमबार दिउँसोसम्म मुलुकभर १ सय ३१ जनाको मृत्यु भएको छ । विपद‍्मा…

hero news full width