शुक्लागण्डकी माविमा महायज्ञ शुरु

प्राविधिक शिक्षामा मुख्यमन्त्रीको जोड

आदर्श समाज सम्वाददाता
वैशाख १२, २०७५

हेमजा, ११ वैशाख। कास्कीको माछापुच्छ्र्रे गाउँपालिका-३, घाचोकस्थित शुक्लागण्डकी माविमा मंगलबारदेखि विराट शैक्षिक श्रीमद्भागवत धनधान्याञ्चल महायज्ञ शुरु भएको छ। विद्यालयले प्राविधिक शिक्षालयको पूर्वाधार निर्माण गर्ने उद्देश्यले महायज्ञ आयोजना गरेको हो।

महायज्ञ उद्घाटन गर्दै प्रमुख अतिथि मुख्यमन्त्री पृथ्वीसुब्वा गुरुङले प्राविधिक शिक्षा सञ्चालन गर्ने विद्यालयको उद्देश्यमा प्रदेश सरकार सहयोग गर्न तयार रहेको बताए। उनले देशलाई चाहिने दक्ष प्राविधिक जनशक्ति उत्पादनतर्फ लाग्नुपर्नेमा जोड दिए ।

उनले प्रदेश सरकारले आगामी असार १ गते ३० देखि ४० अर्ब बराबर बजेट ल्याउने तयार गरेको पनि जानकारी दिए। उनले प्रदेशको गरिबी निवारणका निम्ति होमस्टेको अवधारण विस्तार गर्न लागेको र पाँच वर्षभित्र प्रदेशका तीन सय गाउँमा होमस्टे सञ्चालनको तयारी गरेको बताए। यस्तै पाँच वर्षभित्र प्रदेशलाई खाद्यान्नमा आत्मनिर्भर बनाउने उनको उद्घोष थियो। पोखरादेखि माछापुच्छे्र गाउँपालिकाको केन्द्र जोड्न सडक स्तरोन्नतिमा प्रदेश सरकारको यथोचित सहयोग रहने उनको भनाइ छ।

महायज्ञका प्रमुख वाचक भागवत्भाष्कर युवापण्डित कमलनयन गौतमले यज्ञलाई भगवान्को प्रतीकसँग तुलना गर्दै यज्ञमा गरिएको दानको ठूलो महत्व रहने चर्चा गरे। उनले महायज्ञको पवित्र उद्देश्यमा साथ दिन आग्रह गरे।

माछापुच्छ्र्रे गाउँपालिका अध्यक्ष कर्णबहादुर गुरुङले प्राविधिक शिक्षाको महत्व दिनानुदिन बढ्दै गएको जनाए। उनले पोखरासँग गाउँपालिका जोड्ने सडकको स्तरोन्नतिमा पहल गरिदिन मुख्यमन्त्रीसँग आग्रह गरे।

गाउँ शिक्षा अधिकारी लोकनाथ आचार्यले प्राविधिक शिक्षाले स्वरोजगार सिर्जना गर्ने बताए ।

विद्यालयका प्रधानाध्यापक शान्तिरमण पोखरेलले कक्षा ९ देखि १२ सम्म प्राविधिक शिक्षा प्रदान गर्ने योजना रहेको बताए ।

मंगलवार कुल ७ लाख १४ हजार ९३ रकम संकलन भएको छ। जसमा घाचोकका इन्द्रबहादुर गुरुङको परिवारबाट २ लाख १ सय ११, अन्नपूर्ण संरक्षण क्षेत्र व्यवस्थापन समिति घाचोकबाट १ लाख ५१ हजार १ सय ५१, घाचोकका हरिश्चन्द्र लम्सालबाट १ लाख ११ हजार १ सय ११, सांसद सूर्यबहादुर केसीबाट १ लाख ११ हजार १ सय ११, घाचोक घर भै हाल काठमाडौं निवासी रामप्रसाद गुरुङबाट १ लाख १ सय ११ सहयोग प्राप्त भएको यज्ञका प्रचारप्रसार संयोजक कृष्ण दवाडीले बताए।

महायज्ञको शुभारम्भ पूर्व सोमवार गाउँपालिकाका ९ वटै वडाहरुमा मोटरसाइकल र्‍याली तथा माइकिङ गरिएको थियो। मंगलबार बिहान ७ बजेबाट वडाका सम्पूर्ण टोलमा शान्तिकलश सहित शोभायात्रा निकालिएको थियो।

वैशाख १८ गतेसम्म चल्ने उक्त महायज्ञबाट ५ करोड रुपैयाँ संकलन गर्ने आयोजकको लक्ष्य छ।

महायज्ञ मूल आयोजक समितिका संयोजक रविलाल पोखरेलको अध्यक्षतामा सम्पन्न उक्त कार्यक्रममा उपाध्यक्ष टेकनशोभा गुरुङले स्वागत र महासचिव मौसम कार्कीले सञ्चालन गरेका थिए।

Related News

सम्बन्धित समाचार

  • नौमती बाजाः जीतको पर्याय

    धनबहादुर गुरुङ जेठ ९, २०७९
    पोखरा । पोखरा पृथ्वीचोकमा रहेको इन्द्रेणी नौमती मगर बाजा समूह आइतबार दिनभर व्यस्त रहे । टिमका १४ जनालाई बाजा बजाउन…
  • सार्वजनिक बिदाका दिन चलेका सरकारी गाडी नियन्त्रणमा

    आदर्श समाज सम्वाददाता जेठ ८, २०७९
    पाेखरा । सार्वजनिक बिदाका दिनमा सञ्चालन गरिएका सरकारी सवारी साधनलाई नियन्त्रणमा लिइएको छ। जिल्ला प्रहरी कार्यालय स्याङ्जाले सार्वजनिक बिदाका दिनमा…
  • महानगरमा बिदा नहुने

    रासस जेठ ८, २०७९
    काठमाडौं । काठमाडौं महानगरपालिकाले आइतबार सार्वजनिक बिदाको दिन बिहान ८ देखि ११ बजेसम्म कार्यालय सञ्चालन गर्ने भएको छ । कामपाको…
  • गणतन्त्र दिवस ३ दिन मनाइने

    आदर्श समाज सम्वाददाता जेठ ५, २०७९
    पोखरा । सरकारले गणतन्त्र दिवस ३ दिनसम्म मनाउने भएको छ । बिहीबार प्रधानमन्त्री तथा मन्त्रिपरिषद्को कार्यालयमा बसेको गणतन्त्र दिवस २०७९…
  • भारतीय प्रधानमन्त्री मोदी भोलि नेपाल भ्रमणमा आउँदै

    रासस जेठ १, २०७९
    लुम्बिनी । भारतका प्रधानमन्त्री नरेन्द्र मोदी नेपालको औपचारिक भ्रमणको सिलसिलामा भोलि बिहान ११ सदस्यीय प्रतिनिधिमण्डलको नेतृत्व गर्दै यहाँ आइपुग्दै हुनुहुन्छ…

hero news full width