लेखनाथ, ९ वैशाख ।  वेगनास युवा क्लबको आयोजनामा शनिबार बृहत् वेगनासताल सरसफाइ गरिएको छ ।

कार्यक्रममा पोखरा लेखनाथ महानगरपालिकाका कानूनी अधिकृत राममणि अधिकारी, वेगनास युवा क्लबका पदाधिकारी, सदस्य, होटल तथा रेष्टुरेण्ट एशोसिएसन, वेगनासताल आमा समूह लगायत सामाजिक संघसंस्थाका प्रतिनिधिको सक्रिय सहभागिता थियो ।

सो क्रममा फोहर वर्गीकरण गरी व्यवस्थापन गरिएको क्लबका अध्यक्ष रामबहादुर रानाभाटले जानकारी दिए।