शिक्षक संगठनद्वारा मन्त्री विश्वकर्माको सम्मान

आदर्श समाज सम्वाददाता
वैशाख १०, २०७५
Jagat Samman

पोखरा, ९ वैशाख। नेपाल राष्ट्रिय शिक्षक संगठन कास्कीले क्षेत्र ३ बाट प्रतिनिधिसभामा निर्वाचित जगतबहादुर विश्वकर्मा युवा तथा खेलकुद मन्त्रीमा नियुक्त भएकोमा शनिबार हार्दिक बधाई दिँदै सम्मान गरेको छ ।

सम्मानित मन्त्री विश्वकर्माले सरकारले अगाडि सारेको ‘समृद्ध नेपाल र सुखी नेपाली’ कार्यक्रम सफल पार्न समाजका वौद्धिक वर्ग शिक्षकको महत्वपूर्ण भूमिका रहेको बताए।

मन्त्री विश्वकर्माले निष्ठा र इमान बन्धक नराख्ने, आफूले गरेका समग्र कार्यले मतदातालाई शिर झुकाउन नपर्ने भन्दै सम्पूर्ण मतदाता र मुलुकवासीलाई आश्वस्त पार्न चाहेको बताए।

युवा तथा खेलकुदसं’ग सम्बन्धित कार्यक्रम शैक्षिक क्षेत्रसँग पनि सम्बन्धित हुने भएकाले शिक्षकले आवश्यक कार्यक्रम सरकारको नीति तथा कार्यक्रम र बजेट आउनुभन्दा अगाडि नै सुझाव दिन आग्रह गरे ।

नेपाल राष्ट्रिय शिक्षक संगठनका केन्द्रीय उपाध्यक्ष दीपक पौडेलले पार्टीर मुलुकको नेतृत्व गर्ने व्यक्तिले आफूलाई त्यस स्थानमा पुर्‍याउन शिक्षकले दिएको ज्ञान, खेलेको भूमिका लगाएको गुन नबिर्सन आग्रह गर्दै शिक्षा नीति निर्माण तथा कार्यान्वयनमा शिक्षकसँग सहकार्य गर्नुपर्ने बताए।

नवनिर्वाचित जिल्ला अध्यक्ष रोमहर्षण पौडेलको अध्यक्षतामा भएको कार्यक्रममा सचिव तीर्थराज ढकालले सञ्चालन र उपाध्यक्ष बसन्धरा पौडेलले स्वागत गरेका थिए ।

कार्यक्रममा निवर्तमान जिल्ला अध्यक्ष रामप्रसाद पोखरेल, नेपाल शिक्षक महासंघ राष्ट्रिय समिति सदस्य लोचना अधिकारीले शुभकामना मन्तव्य दिएका थिए ।

सोही कार्यक्रममा संगठनको १२ औं जिल्ला अधिवेशनबाट निर्वाचित समितिका पदाधिकारी तथा सदस्यलाई पदस्थापन समेत गरिएको थियो।

Related News

सम्बन्धित समाचार

  • पोखरामा मनाइयो अपांगता दिवस

    आदर्श समाज सम्वाददाता मंसिर १८, २०८०
    पोखरा । ‘दिगो विकास लक्ष्य प्राप्तिको प्रतिबद्धता अपांगता भएका व्यक्तिको अपनत्व र नेतृत्व सहितको ऐक्यबद्धता’ भन्ने नारासहित यस वर्षको अपांगता…
  • ‘लोकतन्त्रविरोधी आन्दोलनको भविष्य छैन’

    आदर्श समाज सम्वाददाता मंसिर १८, २०८०
    पोखरा । लोकतन्त्रविरोधी आन्दोलनको भविष्य नभएको शनिबार पोखरामा आयोजित एक कार्यक्रमका वक्ताले जोड दिए । ७५ औं अन्तर्राष्ट्रिय मानव अधिकार…
  • प्राडा रामचन्द्रलाई नाट्यचार्य सम्मान

    आदर्श समाज सम्वाददाता मंसिर १८, २०८०
    पोखरा । नेपाल नाट्यअनुष्ठान पोखराका अध्यक्ष प्राडा रामचन्द्र पोखरेललाई नाट्यचार्य सम्मान प्राप्त भएको छ । असमेली नेपाली नाट्यसम्मेलन सन् २०२३…
  • पोखरा १३ मा यौन तथा प्रजनन् स्वास्थ्य शिविर

    आदर्श समाज सम्वाददाता मंसिर १८, २०८०
    पोखरा । पोखरा महानगरपालिका वडा नं. १३ सहरी स्वास्थ्य केन्द्र कुँडहरको आयोजनामा यौन तथा प्रजनन् स्वास्थ्य शिविर सम्पन्न भएको छ…
  • लामा फाउन्डेसनका अमृतद्वारा शैक्षिक सामग्री र पोसाक वितरण

    आदर्श समाज सम्वाददाता मंसिर १७, २०८०
    पोखरा । लामा अमृत फाउन्डेसन घान्द्रुकका संस्थापक अमृत गुुरुङले घान्द्रुकका ३ विद्यालयमा शैक्षिक सामग्री र पोसाक वितरण गरेका छन् ।…

hero news full width