लोकदोहोरी गायक प्रजापति सम्मानित

आदर्श समाज सम्वाददाता
वैशाख ७, २०७५
Samman Photo

पोखरा, ६ वैशाख। लोकदोहोरी गायक प्रजापति पराजुलीलाई गन्तव्य धम्पुस महोत्सवमा सम्मान गरिएको छ ।

लोकदोहोरी संरक्षण र प्रवर्द्धनमा टेवा पुर्‍याएकोमा आयोजक लाली गुराँस युवा क्लबले पराजुलीलाई दोसल्ला ओढाउँदै मायाको चिनो प्रदान गरेको थियो ।

प्रदेश सदस्य इन्द्रधारा बिष्ट, लालीगुराँस युवा क्लबका अध्यक्ष आसिम गुरुङ लगायतले पराजुलीलाई बिहीबार महोत्सव स्थलमा सम्मान गरेका हुन् ।

यता, महोत्सवमा बिहीबार पुरुष भलिबलतर्फ ४ खेल सम्पन्न भए । पहिलो खेलमा माछापुच्छ्रे ६ लाई अन्नपूर्ण ९ ले पराजित गर्दै अघिल्लो चरणमा प्रवेश गर्न सफल भयो ।

दोश्रो खेलमा बाग्लुङ गलकोटले वाकओभर पायो भने तेस्रोमा पनि माछापुच्छ्रे ९ ले वाकओभार पाउँदै अघिल्लो चरण प्रवेश गर्‍यो ।

चौथो खेलमा पञ्चासे आदर्श क्लबलाई हराउँदै ताराखोला गाउँपालिका बाग्लुङ अघिल्लो चरणमा प्रवेश गर्न सफल भयो भने अन्तिम खेल माछापुच्छ्रे १ र २ बीचको खेल खराब मौसमका कारण रद्ध हुन पुग्यो।

लोकदोहोरीतर्फ नीरमाया दोहोरी साँंझले दौतरी दोहोरी साँंझलाई हराउँदै क्वाटरफाइनलमा प्रवेश गर्न सफल भयो।

त्यस्तै शिखर दोहोरी साँंझले विन्दवासिनीलाई पराजित गर्‍यो भने अन्तिममा स्याङ्जा दोहोरीगीत प्रतिष्ठानले नेत्रनारायण पराजुलीको समूहलाई पराजित गर्दै क्वार्टरफाइनलमा प्रवेश गर्‍यो।

लोकदोहोरीतर्फ शर्मिला गुरुङ, पार्वती जिसी, शिवहरि ढुंगाना, जीवन दाहाल, तारापति सुवेदी, शंकर विरही गुरुङ, श्रीराम अधिकारी, रमा राना, सुरेन्द्र गुरुङ र दीपक थापाको विशेष प्रस्तुति रहेको थियो।

Related News

सम्बन्धित समाचार

  • होटल संघ गण्डकीमा हरि शर्मा

    आदर्श समाज सम्वाददाता जेठ १०, २०७९
    पोखरा । होटल संघ नेपाल (हान) गण्डकी गठन गरिएको छ । संस्थाको अध्यक्षमा पुराना पर्यटन व्यवसायी हरिप्रसाद शर्मा गैह्रे निर्विरोध…
  • कृष्ण भुजेललाई सहिद घोषणा गर्न माग

    आदर्श समाज सम्वाददाता जेठ ९, २०७९
    पोखरा । संसदीय चुनाव २०५४ का क्रममा साविक कालिका गाविसमा अमानवीय तरिकाले हत्या गरिएका कृष्ण भुजेललाई सहिद घोषणा गर्न माग…
  • सोंपाल समाजको ९ लाख सहयोग

    आदर्श समाज सम्वाददाता जेठ ९, २०७९
    पोखरा । बेलायतमा च्यारिटी कमिसनमा रजिस्टर भएको संस्था साेंपाल समाज युकेले आँधीखोला गाउँपालिका १ बेझाङको आधारभूत विद्यालयलाई सहयोग गरेको छ…
  • चलचित्र पत्रकार संघको वार्षिकोत्सवमा क्यालेन्डर विमोचन

    आदर्श समाज सम्वाददाता जेठ ८, २०७९
    पोखरा । चलचित्र पत्रकार संघको २३ औं वार्षिकोत्सव तथा राष्ट्रिय चलचित्र पत्रकारिता दिवस–२०७९ अवसरमा चलचित्र पत्रकार संघ कास्कीले शनिबार शुभकामना…
  • ५ रुपैयाँ प्रति किलो काक्रो

    आदर्श समाज सम्वाददाता जेठ ८, २०७९
    हेमजा । हेमजाको सुइँखेतमा यतिबेला काँक्रोको उत्पादन अत्यधिक छ । तर काँक्रोले उचित मूल्य नपाउँदा किसान मर्कामा परेका छन् ।…

hero news full width