महायज्ञमा झण्डै २५ लाख संकलन

आदर्श समाज सम्वाददाता
वैशाख ५, २०७५
mahaya

लेखनाथ ४ वैशाख । नव वर्ष धार्मिक महोत्सव तथा पितृमोक्ष ज्ञान महायज्ञको छैटौं दिन दानवीरको उल्लेख्य सहभागिता हुनुका साथै दान रकममा पनि वृद्धि हुन गएको छ ।

नेपाल रेडक्रस सोसाइटी शिशुवा उपशाखाको आयोजनामा पोखरा लेखनाथ महानगरपालिका वडा ३०, पावरहाउसमा जारी सो महायज्ञमा मंगलबार प्रमुख अतिथिको रुपमा नेपाली काँग्रेसका वरिष्ठ नेता रामचन्द्र पौडेल सरिक भए ।

उनले सामाजिक र शैक्षिक उद्देश्य राखेर मूल्य मान्यता संरक्षण एवं राष्ट्रिय पहिचानसँगै सांस्कृतिक जागरणको लागि गरिएको महायज्ञले लिएको उद्देश्य पूरा गराउन आफूले सहयोग गर्ने प्रतिबद्धता व्यक्त गरे।

भारी वर्षाबीच पनि यज्ञस्थलमा भक्तजनको घुइँचो बढेको भन्दै रेडक्रस सोसाइटी शिशुवा उपशाखाका उपाध्यक्ष विश्वराज लामिछानेले सम्पूर्णमा आभार व्यक्त गरे।

बहुउद्देश्यीय सामाजिक भवन निर्माण सहयोगार्थ भएको महायज्ञमा दानदाताले मन फुकाएर सहयोग गरेका छन् ।

मंगलवारमात्र ६ लाख ७५ हजार रुपैयाँ संकलन भएको छ । हालसम्म महायज्ञमा करिब २४ लाख ७५ हजार रुपैयाँ संकलन भइसकेको प्रचारप्रसार संयोजक दीपकराम ढेवाजुले जानकारी दिए।

मंगलवार महायज्ञमा पोखरा पृथ्वीचोक निवासी समाजसेवी शोभा भुजेल र उनको परिवारबाट १ लाख ११ हजार १ सय १७ रुपैयाँ दान गरिएको छ ।

यस्तै, पोखरा ३०, रामबजारका रामबहादुर थापा र उनकी श्रीमती तारा थापा, छोरी सविना, छोरा सञ्जयसहितको परिवारजनबाट ३५ हजार १ सय ११ रुपैयाँ, सोही स्थानको नारी विकास आमा समूहबाट २८ हजार १ सय ११ रुपैयाँ सहयोग भएको छ ।

पोखरा २९, भण्डारढिक निवासी कृष्णराम भण्डारीले २० हजार १ सय रुपैयाँ सहयोग गरे भने वडा ३०, रामबजारकै विष्णु पौडेल र उनको परिवारजनबाट ५० हजार १ सय ११ रुपैयाँ, सोही ठाउँकै तारा थापाद्वारा ३५ हजार १ सय ११, वडा ३० खुँदीकी प्रेमकुमारी पौडेल र उनको परिवारबाट ३३ हजार १ सय १ रुपैयाँ दान गरिएको छ ।

यस्तै, नेपाली काँग्रेस जिल्ला कार्यसमिति कास्कीबाट २५ हजार ५ सय ५५ रुपैयाँ, गोगन माध्यमिक विद्यालय शिक्षक/कर्मचारीबाट २५ हजार ८ सय रुपैयाँ, वडा २९ मुसेटुडा नयाँवस्ती अमृत टोल विकास संस्थाबाट १० हजार ५५ रुपैयाँ, रुपा बहुउद्देश्यीय सहकारी संस्था गगनगौंडाबाट १० हजार ५५ रुपैयाँ, गगनगौडाकै नवआदर्श आमा समूहबाट १० हजार ५५ रुपैयाँ, वडा ३०, पावरहाउसका टेकबन्धु अर्यालबाट २५ हजार ५ सय ५५ रुपैयाँ लगायत विभिन्न संघसंस्थाबाट महायज्ञमा सानो ठूलो रकम सहयोग भएको महायज्ञ संयोजक विश्वमोहन पौडेलले जानकारी दिए  ।

मंगलबार महायज्ञमा सभा नायकमा नेपाल रेडक्रस सोसाइटी शिशुवा उपशाखा २९ र ३० का एशोसियट सदस्य समाजसेवी मित्रलाल लामिछाने, वडा ३० रामबजार निवासी समाजसेवी तारा थापा रहेका थिए ।

गत चैत २८ देखि शुरु महायज्ञ बुधबार सकिँदैछ । महायज्ञमा भागवत् रसिक युवापण्डित ऋषिराम शास्त्रीले संगीतमय शैलीमा धार्मिक प्रवचन दिँदै आएका छन् ।

महायज्ञको अन्तिम दिन आयोजकले दान रकम संकलनमा उल्लेख्य वृद्धि हुने अपेक्षा समेत गरेको छ ।

Related News

सम्बन्धित समाचार

  • पोखरामा सामुदायिक थियटरको माग

    विजय नेपाल चैत्र १४, २०७९
    पोखरा । कलाकार जसु गुरुङ पोखरा झर्दा पहिले पहिले यहाँ नाटक हुन्थ्यो भन्ने मात्र सुनेकी थिइन् । गण्डकी प्रज्ञा प्रतिष्ठान…
  • प्रहरी कार्यालयको भवन शिलान्यास

    आदर्श समाज सम्वाददाता चैत्र १४, २०७९
    लेखनाथ । इलाका प्रहरी कार्यालय डाँडाको नाकमा ६ कोठे पक्की भवन सोमबार शिलान्यास गरिएको छ । भवनको पोखरा २६ का…
  • अमरसिंहको ६७ औं वार्षिकोत्सव

    आदर्श समाज सम्वाददाता चैत्र १४, २०७९
    पोखरा । अमरसिंह नमुना माविको ६७ औं वार्षिकोत्सव, अभिभावक दिवस तथा पुरस्कार वितरण समारोह सम्पन्न भयो । समारोह उद्घाटन गर्दै…
  • सेनाले गर्‍यो बम डिस्पोज

    आदर्श समाज सम्वाददाता चैत्र १४, २०७९
    नवलपुर । पूर्वी नवलपरासीको विनयीत्रिवेणी ५, सर्दीमा फेला परेको बेवारिसे बम नेपाली सेनाले डिस्पोज गरेको छ । आइतबार स्थानीयले खेतमा…
  • तान्ला त ‘खुँडेपोखरी’ ले पर्यटक ?

    आदर्श समाज सम्वाददाता चैत्र १३, २०७९
    पोखरा । स्याङ्जा सेतीदोभानकी सन्तोषी ढकाल पोखरा आएर बसेको करिब १३ वर्ष भयो । सुरुको १० वर्ष मालेपाटनमा बसेकी उनी…

hero news full width