नागरिक सम्मेलनद्वारा सातबुँदे घोषणापत्र जारी

आदर्श समाज सम्वाददाता
वैशाख ४, २०७५
Bina Silwal

पोखरा, ३ वैशाख। पोखरामा भएको प्रदेशस्तरीय नागरिक सम्मेलन सातबुँदे घोषणापत्र जारी गर्दै सोमबार सकिएको छ ।

सम्मेलनले दिगो विकास लक्ष्यको निर्दिष्ट उद्देश्य बमोजिम प्रदेशको समृद्धिका लागि गैरसरकारी महासंघको समन्वयमा अन्य विकासका साझेदार सामाजिक संस्था, सञ्जाल, फेडेरेसन तथा नेर्टवर्कको प्रदेशस्तरीय साझा दिगो विकास मञ्च गठन गर्ने भएको छ ।

यस्तै शिक्षाको पहुँचबाट बाहिर रहेका बालबालिकालाई सरकारले लिएको नयाँ शैक्षिक सत्र २०७५ को विद्यार्थी भर्ना कार्यक्रमलाई सहयोग गर्न नागरिक संगठन तथा गैरसरकारी संस्थालाई आग्रह गर्ने कार्यक्रम तय गरेको छ।

जारी घोषणापत्रमा प्रदेशको आर्थिक, सामाजिक, सांस्कृतिक र शैक्षिक विकासमा सरकारसँग मिलेर निर्णायक भूमिका निर्वाह गर्न प्रदेश सरकारका विकासका रणनीति, योजना र प्राथमिकताका क्षेत्रमा साझेदारी गर्न सरकारसँग उपयुक्त वातावरणका लागि आब्हृान गर्ने उल्लेख गरिएको छ। महिला, बालबालिका, अल्पसंख्यक, ज्येष्ठ नागरिक, दलित, जनजाति लगायत सबै वर्ग र समुदायका नागरिकको समान अवसर, सहभागिता र उत्थानमा जोड दिइने घोषणापत्रमा उल्लेख छ ।

यस्तै नागरिक संगठन र गैरसरकारी संस्थालाई नीतिगत रुपमै वातावरण तय गरी उनीहरुलाई विकासका काममा थप सक्रिय भूमिका प्रदान गर्न तिनै तहका सरकारसँग आह्वान गर्ने बताइएको छ।

मुलुककै पर्यटकीय सम्भावना बोकेको क्षेत्र र उच्च प्राकृतिक स्रोत साधनको उपलब्धता भएको प्रदेश ४ लाई थप व्यवस्थित, सभ्य र सुसंस्कृत बनाउन प्रदेश सरकारसँगको समन्वयमा अघि बढ्ने जनाइएको छ ।

गैसस प्रदेश ४ मा सिलवाल

सम्मेलनलअन्तर्गत भएको अधिवेशनले वीना सिलवालको अध्यक्षतामा २१ सदस्यीय प्रदेशस्तरीय समिति गठन गरेको छ । कार्यसमिति उपाध्यक्ष गोपाल खड्का, सचिव राजेन्द्र शर्मा, उपसचिव मुक्तिप्रसाद ढुङ्गाना, कोषाध्यक्ष गीता शर्मा, सदस्य शान्ति कँडेल, यमबहादुर मेधासी, तारा थापा र थमनारायण शर्मा छन्। प्रदेशका ११ वटा जिल्लाका गैरसरकारी संस्था महासंघका जिल्ला अध्यक्ष पदेनसदस्य रहने व्यवस्था छ। नयाँ कार्यसमितिको पहिलो बैठकले १ सदस्य मनोनीत गर्ने उपाध्यक्ष गोपाल खड्काले बताए।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width