हेमकान्तीको एकल चित्र प्रदर्शनी

आदर्श समाज सम्वाददाता
वैशाख १, २०७५
Art Exhibition

पोखरा, ३० चैत। उदीयमान चित्रकार हेमकान्ति गुरुङको एकल चित्रकला प्रदर्शनी शुरु भएको छ। ‘द जर्नी’ नामक चित्रकला प्रदर्शनीमा हेमकान्तीले कोरेका साना ठूला गरी ४० वटा चित्र प्रदर्शनीमा राखिएका छन्। महेन्द्रपुलस्थित पोखरा आर्ट ग्यालरीमा शुक्रबार सृजनशील कलाकार समूहले प्रदर्शनीको आयोजना गरेको हो।

उनका चित्रमा एक्रेलिक र पानी रङ्गका माध्यमबाट बनाइएका चित्र प्रदर्शनीमा राखिएका छन्। पैयँुका फूललाई महिलाको जीवनसँग जोडेर चित्र कोरिएको कलाकार हेमकान्तीले बताइन्।

एउटै रुखको पैयुँ फूललाई समय अनुसार विभिन्न रंग र रुपमा देखिएजस्तै महिलाको जीवनमा आउने परिवर्तन चित्रमार्फत सन्देश दिन खोजिएको उनले बताइन् ।

प्रदेशसभा सांसद मीना गुरुङले सो चित्रकला प्रदर्शनी उद्घाटन गरेकी हुन्। सो क्रममा सांसद गुरुङले पोखरालाई कलाको राजधानी बनाउन हेमकान्ती जस्ता कलाकारको महत्वपूर्ण भूमिका रहने बताइन्।

कला त्यसै नजन्मने उल्लेख गर्दै उनले कलाकारिता व्यावसायिक बन्नुपर्नेमा जोड दिइन्। प्राज्ञ तीर्थ श्रेष्ठले महिलामा जागरण आएको औंल्याए। उनले महिला कलाकारको सहभागिताले पोखरेली कलाको उन्नयनमा टेवा पुग्ने बताए।

कलाकार दुर्गा बरालको संयोजकत्वमा भएको उद्घाटन समारोहमा कलाकार किरण रञ्जितकारले स्वागत र कलाकार ज्योति गुरुङले सञ्चालन गरेकी थिइन्।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width