नव वर्ष धार्मिक महोत्सव शुरु

आदर्श समाज सम्वाददाता
चैत्र २९, २०७४
mahayaga

लेखनाथ २८ चैत। नेपाल रेडक्रस सोसाइटी शिशुवा उपशाखा (महानगर वडा २९ र ३०) को आयोजनामा बहुउद्देश्यीय सामाजिक भवन निर्माण सहयोगार्थ बुधबारदेखि नव वर्ष धार्मिक महोत्सव तथा पितृमोक्ष ज्ञान महायज्ञ शुरु भएको छ।

पृथ्वीराजमार्गअन्तर्गत पावर हाउसमा बैशाख ५ सम्म हुने महायज्ञ उद्घाटन गर्दै प्रदेश ४ का सांसद दीपक कोइरालाले धार्मिर्क गतिविधि माध्यमबाट विकास निर्माणको अभियानमा लाग्नु उदाहरणीय कार्य भएको बताए । उनले रेडक्रसजस्तो पवित्र संस्थाले आयोजना गरेको महायज्ञलाई सफल पार्नु हामी सबैको कर्त्तब्य भएको उल्लेख गर्दै सामाजिक क्षेत्रमा गरिने जुनसुकै काम विकासका सूचक भएको बताए ।

पोखरा लेखनाथ महानगरपालिका वडा ३० का वडा अध्यक्ष श्रीराम पोख्रेलले जहाँका जनता जागरुक हुन्छन्, त्यो क्षेत्रको विकासमा सरकारको पनि ध्यान जाने बताए ।

महायज्ञका प्रमुख वाचक भागवत् रसिक युवा गुरु ऋषिराम पौडेलले जहार्ँ इच्छा, त्यहाँ उपाय भनेजस्तै मन, वचन र कर्मले गरिने काममा भावनात्वक रुपमा सबैको साथ र सहयोग मिल्ने भएकाले कर्म गर्न छोड्न नहुने बताए।

महायज्ञ मूल आयोजक समितिका संयोजक विश्वमोहन पौडेलको अध्यक्षता भएको सो कार्यक्रममा नेपाल रेडक्रस सोसाइटी कास्की शाखाका उपसभापति दण्डराज पौडेल, उपशाखाका पूर्व सभापति डिल्लीराम पौडेल, लेखनाथ उद्योग वाणिज्य संघतर्फबाट सूर्यमणि लामिछाने र सम्पूर्ण महिलातर्फबाट पार्वती आचार्य लगायतले धारणा राखेका थिए।

उपशाखाका सचिव दीपकराम ढेवाजुले सञ्चालन गरेको सो कार्यक्रममा धन्यवाद ज्ञापन उपाध्यक्ष विश्वराज लामिछानेले गरेका थिए।

‘धार्मिक तथा आध्यामिक चिन्तन, राष्ट्रशान्ति र समाज विकास’ भन्ने मूलनाराका साथ शुरु महायज्ञमा करिब ६० लाख संकलन गरी १० लाख खर्च भई करिब ५० लाख रुपैयाँ बचत हुने आयोजकको अपेक्षा छ ।

महायज्ञमा सामूहिक तुलादान, सामूहिक ब्रतबन्ध, ग्रहशान्ति, विश्वशान्ति, सामूहिक चौसारी पूजा र लाख लक्ष्यवर्ती द्वीप प्रज्वलन, सामूहिक कालर्सप योगशान्ति, पितृमोक्ष १ हजार ८ शाल्रि्राम परिक्रमा समेत गर्न पाइने छ।

महायज्ञ शुरु पूर्व भएको कलशशात्रा गनगौंडा हुँदै सेती नदीबाट शुद्ध जल बोकेर सैनिक वस्ती, खुँदीहुँदै पुनः यज्ञस्थल आएको थियो ।

Related News

सम्बन्धित समाचार

  • प्लाष्टिकमुक्त नगर अभियानमा सहयात्री सहकारी

    आदर्श समाज सम्वाददाता श्रावण ३१, २०७९
    स्याङ्जा । सहयात्री को–अपरेटिभ लिमिटेड, स्याङ्जाको ११ औं वार्षिकोत्सव अवसरमा सपिङ ब्याग वितरण गरिएको छ । ‘सफा पुतलीबजार राख्न, हाम्रो…
  • बहुउद्देश्यीय सामाजिक भवन निर्माण

    आदर्श समाज सम्वाददाता श्रावण ३१, २०७९
    पोखरा । गण्डकी प्रदेश सरकारका कानुन, संचार तथा प्रदेशसभा मामिला मन्त्री बिन्दुकुमार थापाले नयाँबजार बहुउद्देश्यीय सामाजिक भवन निर्माणले स्थानीयलाई सहजता…
  • बागलुङ–पोखरा मगर समाजमा गजेन्द्र

    आदर्श समाज सम्वाददाता श्रावण ३१, २०७९
    पोखरा । बागलुङ–पोखरा मगर समाजको आठौं अधिवेशन तथा १६ औं वार्षिक साधारणसभाबाट अध्यक्षमा गजेन्द्र थापामगर सर्वसम्मत निर्वाचित भएका छन् ।…
  • सगरमाथामा विद्यार्थी स्वागत एवं सम्मान

    आदर्श समाज सम्वाददाता श्रावण ३१, २०७९
    पोखरा । सगरमाथा सेकेण्डरी स्कुल, नयाँबजारमा नवआगन्तुक विद्यार्थीको स्वागतमा २३ औं वार्षिक स्वागत कार्यक्रम आयोजना गरिएको छ । एसइई उत्तीर्ण…
  • प्रेस सेन्टर पदाधिकारीको सम्मान

    आदर्श समाज सम्वाददाता श्रावण ३१, २०७९
    पोखरा । प्रेस सेन्टरको चौंथो महाधिवेशनमा गण्डकी प्रदेशबाट निर्वाचित पदाधिकारीको पोखरामा सम्मान गरिएको छ । प्रेस सेन्टर कास्कीले सोमबार पोखरामा…

hero news full width

trending post