पोखरा, २८ चैत । चार महिनायता लगातार कृति सार्वजनिक गर्दैआएका देशभक्तसिंह कुँवरले फेरि चोकासंग्रह पाठकसमक्ष ल्याएका छन् । बहुआयामिक प्रतिभाका धनी कुँवरको चोकासंग्रह ‘राजमहल’ प्रदेश ४ का आर्थिक मामिला तथा योजना मन्त्री किरण गुरुङले बुधबार विमोचन गरे । मन्त्री गुरुङले प्रदेश ४ संस्कृति र साहित्यको धनी क्षेत्र भएको उल्लेख गर्दै यसको उचित संरक्षण हुनुपर्ने बताए। उनले सर्जकलाई राज्यले सम्मान गर्नुपर्ने बताउँदै स्रष्टा कुँवरलाई अझ सफलताको शुभकामना दिए ।
कार्यक्रममा साहित्यकार शान्तिनारायण श्रेष्ठ, दुर्गाबहादुर शाह बाबा, फिल्म निर्देशक घनश्याम लामिछाने, चित्रकार कृष्ण मर्सारी, गायक तथा संगीतकार एनजे सागर लगायतले स्रष्टालाई शुभकामना दिए । स्रष्टा कुँवरले साहित्यिक क्षेत्रमा लगाव आफ्नो प्यास भएको बताए । मेघा एफएमको आयोजनामा भएको सो कार्यक्रममा स्वागत एफएमकी प्रशासन प्रमुख तिर्सनालक्ष्मी गुरुङले गरेकी थिइन् । संचारकर्मी अम्बिका राणाले स्रष्टा कुँवरको परिचय र कृतिबारे बोलेका थिइन् भने संचालन संचारकर्मी अनिशा श्रेष्ठले गरेकी थिइन् ।
एफएमका अध्यक्ष क्षेत्रबहादुर कुँवरको अध्यक्षतामा भएको कार्यक्रममा साहित्यिक व्यक्तित्व तथा विभिन्न संघसंस्थाका प्रतिनिधिको सहभागिता थियो । स्रष्टा कुँवरको गत मंसिर १६ मा गजलसंग्रह ‘लभ स्टेशन’ र डेढ घण्टामै लेखिएको मुक्तकसंग्रह सेतो संसार गत माघ २७ मा विमोचन भएको थियो । यस्तै, एक घण्टामै लेखिएको हाइकुसंग्रह ‘अमृतप्रेम’ गत चैत १ मा विमोचन भएको थियो । पोखरा वाङ्मय प्रतिष्ठान प्रकाशक रहेको चोकासंग्रहमा १ सय ३६ वटा चोका समेटिएका छन्। जापानी साहित्यबाट नेपाल भित्रिएको चोका पाँच, सात, पाँच, सात अक्षरमा लेखिन्छ । मेघा एफएमका प्रबन्ध निर्देशक स्रष्टा कुँवर सम्पदा कला मन्दिर, पोखरा वाङ्मय प्रतिष्ठान, मुमताज मल्टिमिडिया र कुँवर राणा गार्डेन सोसाइटीमा हाल अध्यक्ष छन्। २०४८ सालमा रेडियो नेपालको चौतारी कार्यक्रममा गायन प्रस्तुतसँगै साहित्यिक क्षेत्रमा हात हालेका कुँवरले नायक, गायक, संगीतकार, गीतकार, निर्देशक र साहित्यकारको परिचय बनाएका छन् ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१