प्रदेशमा खेलकुद प्राथमिकता : मुख्यमन्त्री

राष्ट्रपति रनिङ शिल्ड

आदर्श समाज सम्वाददाता
चैत्र २७, २०७४

लमजुङ, २६ चैत । मुख्यमन्त्री पृथ्वीसुब्बा गुरुङले प्रदेश सरकारले खेलकुद क्षेत्रलाई प्राथमिकता दिएर काम गर्ने प्रतिबद्धता व्यक्त गरेका छन्  ।

सोमबार जिल्लास्तरीय दशौँ राष्ट्रपति रनिङ शिल्ड प्रतियोगिता उद्घाटन गर्दै मुख्यमन्त्री गुरुङले यस्तो बताएका हुन् ।

उनले प्रदेश ४ का ११ वटै जिल्लालाई खेलकुदमा आकर्षण गर्ने विभिन्न कार्यक्रम सञ्चालन गर्ने बताए । मुख्यमन्त्री गुरुङले भने, ‘प्रदेश सरकारले खेलकुदको क्षेत्रलाई प्रथामिकता दिएर काम गर्नेछ । राज्यलाई अन्तर्राष्ट्रिय रंगमञ्चमा चिनाउन स्थानीय, प्रादेशीक र केन्द्रीय सरकारले खेलकुदको क्षेत्रलाई प्राथमिकता दिएर काम गर्नुपर्छ ।’ प्रदेशले खेलकुदको योजना बनाउदै गर्दा गाउँ सरकार र नगर सरकारले पनि सहयोग गर्नुपर्ने उनले बताएका छन् ।

गुरुङले पर्यटन प्रवद्धनको लागि पनि खेलकुदको विकास आवश्यक रहेको बताएका छन् । उनले जिल्लामा राष्ट्रियस्तरको प्रशिक्षण केन्द्रको स्थापना गर्न सकेमा खेलको विकाश र खेलाडीहरुले खेल्न सक्ने उपयुक्त वातावरणको सिर्जना हुने बताए । उनले जिल्लालाई खेलको माध्यमबाट चिनाउनको लागि गाउँ गाउँमा फुटबल खेलमैदान आवश्यक रहेको बताउँदै लुकेर रहेका प्रतिभालाई खेलको माध्यमबाट चिनाउनु पर्ने समेत उल्लेख गरे ।

उनले प्रदेशको तर्फबाट योग्य खेलाडी उत्पादन गरी प्रदेशलाई खेलकुदकै माध्यमबाट चिनाउन खेलकुदको योजना बनाएको जानकारी दिए ।

राष्ट्रपति रनिङ शिल्ड प्रतियोगिता जिल्ला खेलकुद विकास समिति लमजुङको आयोजनामा सञ्चालन गरिएको हो । प्रत्येक वर्ष जिल्लाका विभिन्न स्थानमा रहेका विद्यालयमा संचालन गरिने प्रतियोगिताको यो वर्ष जिल्लाकै सहजी खेलमैदानमा शुरु गरिएको छ ।

प्रतियोगितामा माध्यमिक विद्यालयमा अध्ययनरत विद्यार्थीले प्रतिस्पर्धा गरिरहेका छन् । सो प्रतियोगितामा जिल्लाका ५५ विद्यालयले भाग लिएको जिल्ला खेलकुद विकास समितिका अध्यक्ष गोबिन्द बस्नेतले बताए । उनका अनुसार प्रतियोगितामा छात्र तथा छात्रा भलिबल, सटफुट, ज्याभलिन थ्रो, हाईजम्प, टि्रपलजम्प, लङजम्प र दौडमा लगायत इभेन्टमा प्रतिष्पर्धा हुने छ ।

लमजुङमा २०६५ सालबाट राष्ट्रपति रनिङ शिल्ड प्रतियोगिता सञ्चालन गरिँदैआएको छ ।

Related News

सम्बन्धित समाचार

  • प्रदेश खेलकुद परिषदद्वारा सल्लाहकारलाई मनोनयनपत्र हस्तान्तरण

    आदर्श समाज सम्वाददाता असाेज १५, २०७९
    पोखरा, १५ असोज । प्रदेश खेलकुद परिषद् गण्डकीले नवनियुक्त सल्लाहकारलाई शुक्रबार मनोनयनपत्र हस्तान्तरण गरेको छ । गत भदौ ८ मा परिषद्…
  • वीरेठाँटीमा तेक्वान्दो प्रशिक्षण

    आदर्श समाज सम्वाददाता असाेज ११, २०७९
    हेमजा । अन्नपूर्ण गाउँपालिका ८ स्थित वीरेठाँटी माविमा तेक्वान्दो तालिम सुरु गरिएको छ । विश्व तेक्वान्दो संघको सहयोगमा १ वर्षसम्म…
  • शुक्ललाई गल्फ उपाधि

    आदर्श समाज सम्वाददाता असाेज १०, २०७९
    पोखरा । नवौं राष्ट्रिय खेलकुदमा ४ पुरुष र ३ महिला गल्फर प्रशिक्षणमा व्यस्त रहँदा प्रतिस्पर्धात्मक खेल खेल्दै पाका गल्फरले उनीहरुलाई…
  • तेक्वान्दोको प्रशिक्षण भवन शिलान्यास

    आदर्श समाज सम्वाददाता असाेज ९, २०७९
    पोखरा । कास्की जिल्ला तेक्वान्दो संघले सुविधासम्पन्न प्रशिक्षण भवन निर्माण गर्ने भएको छ । पोखरा रंगशालाभित्र बन्ने भवनको राष्ट्रिय खेलकुद…
  • माउन्ट एभरेष्ट अन्तर्राष्ट्रिय तेक्वान्दो सुरु

    आदर्श समाज सम्वाददाता असाेज ७, २०७९
    पोखरा । पोखरामा बिहीबारदेखि ‘तेस्रो माउन्ट एभरेष्ट अन्तर्राष्ट्रिय खुला तेक्वान्दो च्याम्पियनसिप २०२२’ जि–२ ¥याकिङ तथा ‘प्रथम जिसिएस माउन्ट एभरेष्ट अन्तर्राष्ट्रिय…

hero news full width

Recent Posts

भर्खरै