छ करोड लागतमा सामुदायिक चिकित्सालय

आदर्श समाज सम्वाददाता
चैत्र २५, २०७४

नवलपुर, २४ चैत । छ करोड रुपैयाँ लगानीमा बनेको सामुदायिक प्राकृतिक चिकित्सालय रजहरको बिरामी आवास भवन उद्घाटन गरिएको छ ।

मुख्यमन्त्री पृथ्वीसुब्बा गुरूङले संस्थाको साधारणसभाको अवसर पारेर सो भवन उद्घाटन गरेका हुन् । उनले प्राकृतिक चिकित्सालय नवलपुरकै मात्र नभई प्रदेशकै गौरवको विषय भएको बताए। उनले रजहरको प्राकृतिक चिकित्सालय यहाँमात्र नभई प्रदेशका विभिन्न जिल्लामा यसको शाखा विस्तारका लागि सहयोग गर्ने प्रतिबद्धता ब्यक्त गरे ।

मुख्यमन्त्री गुरुङनले जनताले राज्यबाट प्राप्त गर्नुपर्ने सम्पूर्ण सुविधा सबै जनतासमक्ष समानरुपले पुर्‍याउने भन्दै अबको २ वर्षभित्र प्रदेश ४ का सबै जनताको घरमा बिजुली सुविधा र खानेपानी आपूर्र्ति गर्ने बताए।

कार्यक्रममा अन्य वक्ताले प्राकृतिक चिकित्सालयको संरक्षण र स्तरोन्नतिका लागि जोड दिएका थिए । भवन निर्माणमा सरकारले ५ करोड ६१ लाख सहयोग गरेको छ भने बाँकी रकम चिकित्सालय आफैले जुटाएको हो । भवनमा ७२ वटा कोठा छन् । चिकित्सालयमा हाल ८० जना बिरामीले आवासीय सुविधासहित उपचार गराउँदै आएका छन् । भवन निर्माणसँगै आवासीय क्षमता १ सय ५० पुगेको चिकित्सालयका सचिव प्रदीपराज घिमिरेले जानकारी दिए ।

आवासीय भवन १ सय ५० जनाको पुगे पनि उपचार भवन ८० जनाको मात्रै हुँदा समस्या हुने देखिएको घिमिरेले बताए । पछिल्ला वर्षमा बिरामीको चाप निकै बढ्दै गएको व्यवस्थापक सापकोटाले जानकारी दिए ।

चिकित्सालयले यसै वर्ष आधुनिक उपचार उपकरण समेत भित्राएको छ । कोलन हाइड्रोथेरापी, सर्कुलर जेट बाथ लगायत अन्य उपचार उपकरण थपिएको प्रबन्ध निर्देशक डा विनोद पौडेलले बताए ।

आगामी वर्ष थप १ सय ५० बेड क्षमता थप गर्ने गरी काम अघि बढाइएको जानकारी डा पौडेलले दिए । चिकित्सालयका व्यवस्थापन समिति अध्यक्ष सन्तबहादुर क्षेत्रीको अध्यक्षतामा आयोजित कार्य प्रदेशका सांसद, जनप्रतिनिधि, विभिन्न संघसंस्थाका प्रतिनिधि, विद्यार्थी लगायतको उपस्थिति रहेको थियो ।

Related News

सम्बन्धित समाचार

  • मधेसमा ‘बोक्सी हुन्न’ अभियान

    आदर्श समाज सम्वाददाता भाद्र ३, २०७९
    हेमजा । मधेस प्रदेशका विभिन्न जिल्लामा ‘बोक्सी हुन्न’ अभियान संचालन गरिएको छ । मान्छे बोक्सी हुन्न कहिल्यै राष्ट्रिय जागरण प्रतिष्ठान…
  • भगिनी सम्बन्धको दुरुपयोग

    आदर्श समाज सम्वाददाता भाद्र ३, २०७९
    पोखरा । कास्कीको माछापुच्छ्रे गाउँपालिकाका बालकृष्ण गौतम जेठमा कोरिया गए । गाउँपालिकाले ‘सिजनल भिसा’ मा कोरिया जान सिफारिस गरेपछि उनी…
  • बाबुको निधनपछि १९ वर्षीया साधनाको उपचारमा सकस

    आदर्श समाज सम्वाददाता भाद्र २, २०७९
    लमजुङ । बेंशिसहर–८ की १९ वर्षीया साधना श्रेष्ठको उपचारमा आर्थिक अभाव सिर्जिएको छ । राइनोरियाका कारण उनको उपचारमा धेरै रकम…
  • नागरिक विधेयक प्रक्रियामा

    आदर्श समाज सम्वाददाता भाद्र २, २०७९
    पोखरा । प्रमाणीकरणका लागि पठाएको नागरिकता विधेयक राष्ट्रपतिले फिर्ता पठाएपछि उत्पन्न तरंग कसरी साम्य होला भन्ने संशयबीच सो विधेयकको पुनः…
  • मुग्लिन–पोखरा सडक विस्तार : पहिलो वर्षनै प्रगति न्यून

    रासस भाद्र १, २०७९
    काठमाडौं । ठेक्का अवधिको एक वर्ष बित्नै लाग्दा पृथ्वीराजमार्ग (मुग्लिन–पोखरा) सडकको हालसम्मको प्रगति दुई प्रतिशतको हाराहारी छ । चार लेन…

hero news full width