पोखरा, २४ चैत। पोखरा लेखनाथ महानगरपालिका वडा १३ स्थित अरण्यज्योति पुस्तकालयको शनिबार सम्पन्न २५ औ वाषिर्क साधारणसभाले पुनः राजेन्द्र भण्डारीको अध्यक्षतामा नयाँ कार्यसमिति चयन गरेको छ।

समितिको उपाध्यक्षमा गमबहादुर गुरुङ, सचिवमा यदुराज पंगेनी, सहसचिवमा महेश श्रेष्ठ, कोषाध्यक्षमा इन्द्र भट्टराई छन्।

सदस्यमा गायत्री सिग्देल, बिमला श्रेष्ठ, मीना श्रेष्ठ, धर्मराज पौडेल ‘अल्पायू’, भरत सिग्देल, सीता भुजेल, अभय सिग्देल र लक्ष्मीप्रसाद सिग्देल छन्।

साधारणसभाले सचिव यदुराज पंगेनीले प्रस्तुत गरेको वाषिर्क र कोषाध्यक्ष सरोज श्रेष्ठले प्रस्तुत गरेको आर्थिक प्रतिवेदन पारित गरेको छ।

निर्वाचित अध्यक्ष राजेन्द्र भण्डारीले पुस्तकालयको माध्यमबाट समाज रुपान्तरणको यात्रा अघि बढाउने प्रतिबद्वता व्यक्त गरे।

त्यस अवसरमा समाजसेवी कर्णेल रामकाजी गुरुङले पुस्तकालयलाई नगद १० हजार पाँच रुपैयाँ आर्थिक सहयोग र समाजसेवी चन्द्रकान्त सिग्देल, कल्याणकुमार ढेवाजुले पँाच/पाँच हजार मूल्य बराबरका पुस्तक प्रदान गरेका थिए।

यसअघि साधारणसभा उद्घाटन गर्दै शिक्षाविद् जर्ज जोनले नवीन सोच र सकारात्मक दृष्टिकोणबाट मात्र समाज परिवर्तन हुन सक्ने उल्लेख गरे।

वडा १३ की महिला सदस्य कृष्णकुमारी गुरुङले पुस्तकालयको विकासको लागि वडाबाट पनि सक्दो सहयोग गर्ने प्रतिबद्वता व्यक्त गरिन्।

कार्यक्रममा समाजसेवी लोकबहादुर कार्की, निर्वाचन समितिका संयोजक माधव आचार्य, सदस्य योगेन्द्रमान श्रेष्ठ र गायत्री सिग्देलले बोलेका थिए।

त्यस अवसरमा बालक शास्वत सिग्देलले कविता वाचन गरेका थिए।