पोखरा, २४ चैत । पर्वत मिलन समाज पोखराले पर्वत जिल्लाबाट प्रदेश, प्रतिनिधि र राष्ट्रिय सभा निर्वाचनमा निर्वाचित जनप्रतिनिधिको सम्मानमा बधाई तथा शुभकामना कार्यक्रम गरेको छ ।

कार्यक्रममा प्रमुख अतिथि राष्ट्रिय सभाका अध्यक्ष गणेशप्रसाद तिमिल्सिना, प्रतिनिधि सभा सदस्य लालकाजी गुरुङ, प्रदेश ४ का प्रदश सभा अध्यक्ष नेत्रनाथ अधिकारी, प्रदेश ४ का मन्त्री विकास लम्साल, प्रदेश सभा सदस्य, जूनादेवी नेपाली, गायत्री गुरुङलाई सम्मान गरेको समाजका आजीवन सदस्य देवराज शर्माले जानकारी दिए।

सम्मानित व्यक्तित्वले अब सबै जुटेर पर्वतको विकास र समृद्धिमा योगदान दिने धारणा व्यक्त गरे।

राष्ट्रिय सभाका अध्यक्ष गणेशप्रसाद तिमिल्सिनाले आफूले कानून बन्ने विषयमा कुनै त्रुटि हुन नदिई सुशासन र विकासमा खेल्न सकिने भूमिकामा कुनै कसूर बाँकी नराख्ने बताए ।

यस्तै अन्य वक्ताले पनि पर्वतले समग्र देशको र प्रदेशका महत्वपूर्ण क्षेत्रमा नेतृत्व प्रदान गर्ने तहका स्थान पाएको यो अवसरलाई साँच्चिकै पर्वतको शान रहने गरी आफूहरुले काम गर्ने प्रतिबद्धता व्यक्त गरे ।

समाजकी अध्यक्ष अनिता गुरुङको अध्यक्षता रहेको सो कार्यक्रममा स्वागत मन्तव्य सुरेन्द्र पौडेल र सञ्चालन शिवालाल उपाध्यायले गरेका थिए ।