पोखरा, २४ चैत।मानव मिलन संस्था पोखरा तथा मानव मिलन नारी जागरण नेपालद्वारा आयोजित रक्तदान कार्यक्रममा ५२ युनिट रगत संकलन भएको छ।

मानव मिलनका संस्थापक नेपाल केशरी डा. मणिभद्र मुनिजीको ५२ औं शुभजन्मोत्सवका अवसरमा आयोजित कार्यक्रममा ५२ युनिट रगत संकलन भएपछि कार्यक्रमलाई समापन गरिएको थियो।

कार्यक्रममा मानव मिलन अन्तर्राष्ट्रिय अध्यक्ष कुशुम जैनले मानव मिलनका कार्यसमिति सदस्य प्रिया थापा तथा नेपाल केशरी डा मणिभन्द्र मुनिजी महाराजले आर्रुखर्क पोखरा सर्म्पर्क समाजका अध्यक्ष टीकाराम पौडेललाई व्लड ब्याग हस्तान्तरण गरी कार्यक्रमको शुरु गरेका थिए।

नेपाल केशरी डा. मणिभद्र मुनिजी महाराजको सानिध्यतामा भएको कार्यक्रममा मानव मिलन संस्था पोखराका अध्यक्ष रेशमराज सुवेदी, नारी जागरणका अध्यक्ष सविता बरालको अध्यक्षतामा भएको उक्त कार्यक्रममा प्रमुख अतिथि कुशुम जैन मानव मिलन संस्थाले गरेको कार्यको प्रशंसा गरिने भने। डा. मणिभद्र मुनिजीले आशीवचन प्रदान गरेका थिए।

कार्यक्रम संयोजक रमा ढकालले स्वागत तथा नारी जागरणकी निवर्तमान अध्यक्ष पार्वती पौडेलले कार्यक्रम सञ्चालन गरेकी थिइन्।