गोरखा स्मारकमा आए शेष घले

आदर्श समाज सम्वाददाता
चैत्र २३, २०७४
IMG_9377

पोखरा २२ चैत। एनआरएनका पूर्व अध्यक्ष शेष घलेले निर्माणाधीन गोरखा स्मारक अवलोकन गरेका छन्।

स्याङ्जाको फेदिखोला गाउँपालिका वडा १ स्थित साल्मेडाँडामा निर्माण हुन लागेको उक्त स्मारक हेर्न उनी बिहीबार श्रीमती जमुना घले र आफन्तहरु सहित आइपुगेका हुन्।

त्यस अवसरमा आयोजित स्वागत कार्यक्रममा बोल्दै उनले दोश्रो विश्वयुद्धमा वीरगति प्राप्त ६० हजार गोर्खालीहरुको स्मृतिमा स्मारक निर्माण हुनु महत्वपूर्ण भएको बताए।

अष्टे्रलियास्थित मेलवर्न इस्टिच्युट अफ टेक्नोलोजीका प्रमुख कार्यकारी अधिकृत समेत रहेका घलेलेे स्मारक निर्माणमा अष्ट्रेलियाबाट सहयोग जुटाउन आफूले सक्दो पहल गर्ने जानकारी दिए। साथै उनले सकेसम्म विश्वयुद्धमा वीरगति प्राप्त गर्नेहरुको नाम ठेगाना शीलापत्रमा लेख्न स्मारक निर्माण समितिलाई सुझाव दिए। फेदिखोला गाउँपालिकाका अध्यक्ष घनश्याम सुवेदीले गोर्खा स्मारक निर्माण जस्तो महत्वपूर्ण कार्यको दायित्व राज्यले पनि लिनुपर्नेमा जोड दिँदै स्थानीय सरकारबाट सक्दो सहयोग पुर्‍याउने बताए।

निर्माण समितिका सल्लाहकार डा चन्द्रबहादुर गुरुङले ८० रोपनी जग्गा परिसरभित्र स्मारक, समाधीस्थल, गोर्खा गार्डेन निर्माण तथा मिनी रेलमार्ग लगायतका योजना रहेको जानकारी दिए।

सो अवसरमा गेसो गण्डकी धौलागिरीका अध्यक्ष हर्कबहादुर पुनले गेसोले गरेको संघर्षबारे बताए।

गोरखा स्मारक निर्माण समितिका उपाध्यक्ष टीका पुनको अध्यक्षतामा भएको सो कार्यक्रममा समितिका सल्लाहकार दिवाकर सुवेदीले स्वागत तथा सल्लाहकार अविलास गुरुङले सञ्चालन गरेका थिए।

Related News

सम्बन्धित समाचार

  • पोखरा वडा १२ मा पाठेघर र स्तन क्यान्सर परीक्षण

    आदर्श समाज सम्वाददाता माघ १४, २०७९
    पोखरा । पाठेघर र स्तन क्यान्सरको परीक्षणसम्बन्धी कार्यक्रम शनिबार पोखरा–१२ स्थित वडा कार्यालयमा सम्पन्न भएको छ । पोखरा महानगरपालिका वडा…
  • सहारा एकेडेमीलाई सहयोग

    आदर्श समाज सम्वाददाता माघ १२, २०७९
    पोखरा । सहारा क्लब पोखराद्वारा संचालित सहारा एकेडेमीलाई सहरा युकेले ५५ हजार सहयोग गरेको छ । तमु धिं युकेको टोलीलाई…
  • रेन्बो एकेडेमिक होम्सको रजत जयन्ती

    आदर्श समाज सम्वाददाता माघ ११, २०७९
    पोखरा । पोखरा १५ कोलपाटनस्थित रेन्बो एकेडेमिक होम्स माविको २५ औं वार्षिकोत्सव तथा अभिभावक दिवस बुधबार सम्पन्न भएको छ ।…
  • पोखरा महोत्सव समापन, १० करोड करोबार, साढे २ लाख दर्शक

    आदर्श समाज सम्वाददाता माघ १०, २०७९
    पोखरा । पोखरा महोत्सव करिब १० करोडको कारोबार तथा साढे २ लाख दर्शक अवलोकनसहित सकिएको छ । युनाइटेड क्लब आयोजनामा अमरसिंह…
  • उपन्यायाधिवक्ता गिरी सेवा निवृत्त

    आदर्श समाज सम्वाददाता माघ ९, २०७९
    पोखरा । उपन्यायाधिवक्ता गोविन्द गिरी सोमबारबाट सेवा निवृत्त भएका छन् । गण्डकी प्रदेश मुख्यन्यायाधिवक्ताको कार्यालयका प्रमुख रहेका गिरीले उमेर हदका…

hero news full width